Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Këta janë, sipas mendimit tonë, streamers më të mirë për t’u ndjekur gjatë kësaj periudhe
Nëse nuk keni patur fat për të marrë akses në closed beta-n e Valorant, FPS-së së re nga Riot Games, mos u shqetësoni, pasi ka plot streamers që ju mund të ndiqni.
Shumë lojtarë profesionistë nga CS:GO, Apex dhe lojëra të tjera kanë vendosur të kalojnë në Valorant gjatë kësaj periudhe. Më poshtë keni listën e disa prej steramers më të mirë që duhet të ndiqni, të cilët po bëjnë stream Valorant.
- Brax: Brax ka qënë një lojtar profesionist i CS:GO për një kohë të gjatë, si dhe konsiderohej një prej lojtarëve më të mirë amerikanë. Por, ai u bë ban nga loja e Valve pas akuzave për shitje ndeshjesh. Brax u tërhoq nga CS:GO në 28 shkurt, duke kaluar në Valorant dhe duke firmosur me ekipin korean T1.
- Shroud: Nëse keni ndjekur streams prej kohësh, padyshim që e njihni Shroud, ish-lojtarin profesionist të CS:GO, i cili hoqi dorë nga ndeshjet kompetitive në prill të 2018. Gjatë kësaj kohe, ai ka treguar aftësitë e tij në Apex Legends dhe PUBG, ndërkohë që tani, pas kalimit në Mixer, ai po transmeton closed beta të Valorant. Fatkeqësisht, nëse ndiqni Shroud, nuk keni mundësi të merrni drops për akses në beta.
- Dizzy: Dizzy u bë për herë të parë një lojtar profesionist duke luajtur me NRG Esports në ekipin e tyre të Apex Legends, ndërkohë që është bërë dhe një streamer mjaft i mirë. Ai fitoi disa turnamente në Apex Legends përpara se të hiqte dorë nga ndeshjet profesionale në dhjetor të 2019. Dizzy momentalisht po tregon aftësitë e tij në shooting në Valorant, ku duket si një prej lojtarëve më të mirë të shooter-it të Riot.
- DrLupo: DrLupo është një prej streamers më popullorë në Twitch, i cili bën stream mjaft lojëra të mëdha FPS dhe battle royale. Ai gjithashtu njihet për bamirësitë e tij, pasi dhuroi herën e fundit mbi $2 milionë dollarë për spitalin e fëmijëve St. Jude. Gjithsesi, ai mbetet një lojtar mjaft i mirë dhe streamer argëtues.
- TimTheTatman: TimTheTatman është një tjetër streamer i madh në Twitch i cili po luan beta-n e Valorant. 30-vjeçari e nisi karrierën e tij në 2012 dhe momentalisht është një prej streamers më të mëdhenj. Kohët e fundit, ai ka luajtur shumë Warzone, por tani duket se provon fatin e tij në Valorant. Tim gjithashtu tha se Valorant do të jetë loja e ardhshme e madhe, dhe duket se deri tani fjala e tij ka dalë e vërtetë.
