Ky streamer bëhet ban përgjithmonë nga Twitch pasi tregoi një foto nudo

Streamer-i i famshëm dhe pro i Fortnite, Cody ‘Clix‘ Conrad, është ban përgjithmonë nga Twitch, pak orë pasi fitoi Fortnite Champion Series.

Në mes të transmetimit për fansat e tij, Conrad po ndërronte mes aplikacioneve në kompjuterin e tij për të bërë një screengrab. Fatkeqësisht në këtë pikë ai ju dha shikuesve një pamje të shkurtër të një fotoje grafike që ishte ruajtur në filet e kompjuterit të tij.

Pas këtij momenti pak turpërues ndoshta, Conrad menjëherë reagoi dhe e hoqi atë që u shfaq në ekran dhe gjërat nuk dukeshin aq katastrofike. Gjithsesi ai më vonë konfirmoi se ky incident i kishte mundësuar pezullimin e tretë dhe final në Twitter. Ban-i i tij i parë erdhi në nëntor të 2019s, i dyti në nëntor të 2020 dhe i treti së fundmi.

Conrad firmosi një marrëveshje ekskluziviteti me Twitch në tetor, ndaj ka një mundësi fare të vogël që ban-i i tij të ngrihet. Edhe nëse Conrad nuk do të ishte një emër i madh për platformën, arsyeja për këtë ban specifik është konsideruar si shumë e padrejtë dhe e ashpër nga shumica e opinionit publik.

Ende nuk dihet se sa do të duhet për të folur me Twitch, ose nëse platforma do i japë një mundësi për rikthim streamer-it. Mbetet të presim dhe të shohim.