Shikueshmëria e Ninja mesa duket ra me 33% pasi kaloi në Mixer

Por marka (brand-i) e tij mund të ketë përfituar ende dhe ai është kthyer në më shumë se thjesht një streamer

Ninja bëri një transferim të rrezikshëm vitin e kaluar duke lëvizur nga Twitch në një streamer ekskluziv të Mixer, pasi ishte influencer-i më i shikuar i platformës në 2018. Pasi u bashkua me Mixer në fillim të Gushtit, Ninja pati mesatarisht vetëm 12.036 shikues gjatë pjesës tjetër të vitit 2019; numra vërtetë të ulët në krahasim me kohën nga kur ishte në Twitch. Para se të largohej nga Twitch, Ninja kishte mesatarisht tre herë numrin e shikuesve, me një mesatare prej 36.146, sipas të dhënave të regjistruara nga Stream Hatchet.

Nga një perspektivë vit pas viti, shikueshmëria e Ninja nuk do të përmirësohej nëse ai do të largohej nga Twitch ose jo. Por shikueshmëria e tij mesatare për pesë muajt e fundit të vitit gjithashtu u ul ndjeshëm. Në 2018, shikueshmëria i tij mesatare ishte 57.648.

Mangësitë nuk kufizohen vetëm në krahasime personale për Ninja. Në tremujorin e fundit të 2019, kishte 126 kanale Twitch që mesatarisht kishin më shumë se 10,000 shikues, duke përfshirë edhe kanale specifike të esports. Për më tepër, kishte 26 kanale, duke përfshirë 18 streamers, të cilët kishin më shumë orë të shikuara sesa 6.5 milion nga Ninja gjatë tremujorit.

Realisht, sidoqoftë, kjo rënie pritej. Ishte shumë i vogël shansi, që Ninja të largohej nga Twitch, platforma më e spikatur e stream-it të lojërave, dhe në një farë mënyre të marrë më shumë shikues. Ai nuk e bëri për këtë fakt këtë lëvizje. Padyshim, shikushmëria mesatare e Ninja ra, por kështu ndodhi edhe koha e stream-it të tij. Gjatë pesë muajve të fundit të 2019, Ninja transmetoi 475 orë më pak në krahasim me vitin e kaluar.

Rënia në kohën e streaming mund të duket e çuditshme për një streamer i cili sigurohej të shtonte “20K” në atletet që ai krijoi në bashkëpunim me Adidas për të përfaqësuar numrin e orëve që ai kaloi duke bërë stream përpara se të bëhej i famshëm. Por nuk ka të bëjë më aq më shumë për streaming për të, mesa duket. Ai është bërë më shumë se thjesht një streamer gjenerik dhe ka qenë në gjendje të arrijë një audiencë shumë më të gjerë sesa shumica e influencer-ave të videolojërave duke fituar sponsorizime të profilit të lartë që i japin ekspozim të madh dhe duke bërë disa shfaqje në show-t më të njohura dhe seritë e YouTube. Kjo është mjaft e qartë kur sheh që në verën e vitit 2018, ai ishte partner me kompani si Red Bull, PSD Underwear dhe Uber Eats.

Këtë vit, këto partneritete janë rritur më tej në fushën e markave jo-endemike përfshirë Adidas dhe Samsung. Me Samsung, ai është shfaqur në reklama të shumta të transmetuara në shkallë vendi dhe së fundmi lëshoi ​​një palë atlete me Adidas që u shiten pothuajse menjëherë.

Në vitin 2018, ai ishte i pari influencer që u paraqit në “The Ellen DeGeneres Show” dhe “The Tonight Show Starring Jimmy Fallon.” Por që atëherë e tutje më tej ai e ka shtyrë prezencën e tij në syrin e shikuesve të përgjithshëm duke vazhduar në shfaqjen e Fallon për herë të dytë dhe duke bërë paraqitje në seritë e YouTube si “Cold as Balls” me Kevin Hart dhe “Back-to-Back Chef”.

Ndërsa Ninja nuk po merr të njëjtin nivel shikueshmërie që dikur kishte, ai është për momentin me më shumë ndikim se kurrë. Në fakt, hulumtimi i publikuar nga Twitter tregoi se në vitin 2019, Ninja ishte personazhi më i përfolur në lojëra në platformën e mediave sociale. Dhe për të filluar vitin 2020, ai madje u bë content creator-i i parë që mori skin-in e tij të personalizuar në Fortnite.

Kështu që mbase vëzhgimi i numrave dhe audiencës ditore të dikujt në nivelin e Ninja nuk është domosdoshmërisht mënyra më efektive për të vlerësuar arritjen e tij si një influencer. Marrëveshja e Ninja me Mixer mund t’i ofrojë atij një nivel të caktuar fleksibiliteti që e bën rritjen e tij për më shumë sesa thjesht orë të gjata stream-i në Fortnite.

Pra, mund të themi me plot gojë që Ninja po evoluon në një figurë me ndikim në krahasim me thjesht të qenurit streamer dhe content creator.