Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Mbreti i YouTube, Felix ‘PewDiePie‘ Kjellberg kritikoi Jake Paul, pasi ai u arrestua nga policia në Scottsdale, në datë 4 qershor në Arizona. Ylli Suedez shpregoi se pse personaliteti duhet të jetë më me mend në kokë dhe se duhet ta dinte që të tilla veprime do i sillnin telashe.
YouTuber-i po reagonte ndaj postimeve të fansave në subreddit-in e r/Pewdiepiesubmissions, kur hasi një meme që tregonte se Jake Paul ishte arrestuar. “Jo ai nuk shkoi në burg, por prapë do të përballet me akuza,” sqaroi ai për shikuesit e tij.
PewDiePie më tej shpjegoi se përse veprimet e Paul janë një shembull që rikujton se po të jesh prezent në një krim, sërish mund të futesh në telashe: “Mendoj se ky është një shembull i shkëlqyer se si edhe nëse je pjesë e një grupi që ka bërë diçka të paligjshme, je prapë bashkëpunëtor thjesht duke qëndruar aty.”
Deri më tani Departamenti i Policisë në Arizona thjesht ka regjistruar akuza kriminale për 23-vjeçarin, por kjo nuk e ka ndaluar internetin që të bëjë meme për situatën. Çfarë mund të themi, Jake Paul nuk është fort figura më e simpatizuar që ekziston.
PewDiePie ndërkohë vazhdon të ecë më mirë se kurrë. Qoftë me reagime të eventeve të fundit ose duke luajtur lojëra, videot e tij nuk kanë qenë kurrë më të kërkuara se kaq, teksa ai vazhdon të mbledhë me miliona shikime vetëm në një postim.
