PewDiePie largohet nga YouTube, mbyll llogarinë e tij në Twitter

Ky pushim do të jetë vetëm i përkohëshëm…shpresojmë

Mërzia është padyshim një problem me content creators dhe duket se ky fenomen tashmë ka prekur dhe Felix ‘PewDiePie’ Kjellberg. YouTuber-i suedez ka lajmëruar se do të bëjë një pushim nga platforma në fillim të vitit tjetër, duke fajësuar lodhjen.

30-vjeçari, i cili është YouTuber-i më popullor me mbi 102 milionë subscribers, e bëri këtë lajmërim në fund të videos së tij të fundit Pew News, ku ai kritikon ndryshimet e politikave të YouTube në lidhje me ngacmimet.

“Mendoj se tani është koha më e mirë për të bërë një lajmërim. Do të bëj një pushim nga YouTube vitin tjetër,” – tha PewDiePie në videon, të cilën mund ta shihni më poshtë. “E kam ndarë mendjen, jamë i lodhur. Ndihem shumë i lodhur, nuk e di se sa e vini re.”

“Që ta dini, në fillim të vitit tjetër do pres për pak kohë. Do t’jua shpjegoj më vonë, por thjesht doja t’ju lajmëroja.”

Kjo nuk është hera e parë që PewDiePie ka konsideruar të largohet nga YouTube. Në gusht, në të njëjtin muaj kur u martua me Marzia Bisognin, ai tha se kishte menduar të bënte një pushim, duke thënë: “Do të ishte mirë nëse nuk do kisha YouTube në mendje për herë të parë pas 10 vitesh.”

Ky lajmërim erdhi pas një video 10 minuta ku PewDiePie u ankua për politikat e reja kundër ngacmimeve në platformë, e cila ka bërë që disa video të hiqen. Nuk është e qartë nëse pushimi i PewDiePie lidhet me këtë ndryshim, por duket se ai ka marrë shpesh kritika gjatë viteve, disa prej videove të tij mund të jenë prekur nga kjo.

Përveç kësaj, PewDiePie gjithashtu publikoi një tjetër video ku kritikoi Twitter. Më pas, ai fshiu llogarinë e tij. Ai e rihapi sërish, por këtë rradhë e bëri këtë gjë që askush të mos të vidhte emrin e llogarisë së tij.

Ende nuk dihet se çfarë do të ndodhë me PewDiePie në të ardhmen, por na mbetet vetëm të presim dhe të shpresojmë se ai nuk do të largohet.