PewDiePie do të sjellë një lojë Gacha Pokémon për mobile të quajtur Pixelings

Pewds do të na sjellë një lojë të re.

PewDiePie, YouTuber-i më i madh në botë, është pranë sjelljes së një tjetër videoloje për setin e tij dhe kjo ka potencialin të jetë më fitimprurësja deri tani.

Loja është Pixelings dhe do të lançohet në 15 nëntor. Ajo vjen nga Outerminds, studioja që bëri edhe dy lojërat e fundit të tij: Legend of the Brofist, një platformer dhe Tuber Simulator. Duket se të dyja këto lojëra kanë qenë mjaftueshëm të suksesshme sa ky bashkëpunim mes dy palëve të vazhdojë.

Pixeling është një lojë e llojit Pokémon, në të cilën ju mblidhni dhe përballeni me krijesa të ndryshme imagjinare. Pamjet e para të lojës tregojnë se do të jetë në stilin gacha. Lojërat Gacha janë tmerrësisht fitimprurëse. Thjesht hidhini një sy Fire Emblem Heroes të Nintendo.

Pixelings padyshim që do të jetë plot me koleksionin e zakonshëm të memeve specifike të PewDiePie. Ky i fundit është momentalisht në 102 milion subscribers në YouTube, numri më i madh që ka arritur të ketë një individ deri më sot. E gjithë kjo do të sjellë një tërheqje të madhe të audiencës së tij ndaj Pixelings. Pra është thuajse e garantuar që loja do ta ketë një farë suksesi. Shikoni trailerin e saj më poshtë.