Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Në videon e tij në 26 qershor PewDiePie riktheu segmentin klasik të ‘Fridays with PewDiePie’ ku ai ju përgjigj pyetjeve të fansave. Gjatë kësaj videoje ylli suedez zbuloi dhe përse konsideroi të hiqte dorë nga YouTube në 2019n.
Kur një shikues e pyeti nëse kishte menduar ndonjëherë të largohej nga YouTube, PewDiePie tha se e kishte menduar ta bënte këtë gjë në 2019n. Gjithsesi, pushimet që mori në janar të 2020s e ndihmuan që t’i kuptonte gjërat më mirë.
“E mendoja shumë këtë gjë gjatë vitit të kaluar, por pushimi që bëra më dha më shumë kohë që të kuptoja disa gjëra. Ç’është e vërteta nuk prisja të isha duke bërë video tani, por çdo gjë është një bonus.”
Ai vazhdoi të hapej më tej për pushimet e tij dhe tha se po e konsideronte seriozisht që të merrte një tjetër muaj pushim në janar të 2021.
Përpara vitit të shkuar PewDiePie nuk kishte marrë kurrë asnjë pushim më parë, duke postuar vazhdimisht video të kanalin e tij ditë për ditë, për thuajse një dekadë. Pushimi që ai bëri vjet ishte realisht hera e parë që ai ishte shkëputur nga kanali i tij.
“Mendoj se është e drejtë. Ç’do punë tjetër që ti bën të jep një periudhë të caktuar pushimesh dhe un nuk është se e bëj këtë. Ky vit mbi të gjitha ka qenë shumë i ngarkuar, ndaj me shumë mundësi do e bëj sërish pushim janarin. Më bëri shumë mirë për shëndetin mendor.”
30-vjeçari gjithashtu shpjegoi se pavarësisht se i pëlqen ajo që bën, ai nuk do që e gjithë jeta e tij t’i kalojë duke bërë të njejtën gjë. Ai tha më tej me shaka: “Po plakem djema, jam 30! Nuk prisja të ulesha këtu për 10 vite.”
Në maj PewDiePie njoftoi se kishte firmosur një marrëveshje ekskluziviteti me YouTube. Sipas tij, transmetimet e tij live në platformë e kanë sjellë më afër me fansat dhe i kanë kujtuar fillimet e tij kur filloi të bënte video në 2010.
