Tani keni mundësinë për të udhëtuar në Hënë falas

Miliarderi japonez Yusaku Maezawa do të jetë turisti i parë hapësinor që do të shkojë në Hënë me SpaceX në 2023, por ai nuk do të jetë i vetmi.

Maeazwa ka blerë edhe tetë vende të tjera dhe ka krijuar një faqe në internet të quajtur DearMoon, ku çdokush mund të ketë mundësinë që të zgjidhet për ta shoqëruar atë.

“Do të duhen tre ditë për të arritur në hënë dhe për të bërë një xhiro rreth saj, dhe së fundmi tre ditë për t’u kthyer. Unë do të paguaj për të gjithë udhëtimin.”, ka premtuar ai.

Aplikimet mbyllen në 14 mars dhe çdokush ka të drejtë të aplikojë falas në njërën nga tetë pozicionet e lira. Kjo do të pasohet nga një vlerësim fillestar deri më 21 Mars dhe më pas një seri intervistash në internet. Intervistat përfundimtare dhe vlerësimi mjekësor do të zhvillohen në fund të muajit maj.

Plani origjinal i Maezawa dy vjet më parë ishte të zgjidhte vetëm artistë, por tani ai ka ndryshuar kushtet dhe dëshiron të përfshijë njerëz që në përgjithësi duan të ndihmojnë njerëzit e tjerë dhe shoqërinë.

Fluturimi do të ketë 10-12 persona në total, përfshirë tetë personat me fat që do të përzgjidhen.

“Shpresoj se së bashku mund ta bëjmë atë një udhëtim argëtues”, tha Maezawa.

Nëse mendoni se i plotësoni këto kushte për të fluturuar në Hënë me SpaceX, mund të bëni aplikimin tuaj duke klikuar këtu.