MrBeast konfirmon se ekipi i Beast Gaming për LoL “po ndodh”

Vetëm disa ditë pasi postoi në Twitter se si ai dëshiron të posedojë përfundimisht ekipin e tij të League of Legends, content creator-i, Jimmy “MrBeast” Donaldson ka zbuluar se ai mund të ketë diçka tashmë në zhvillim.

Në një stream të kohëve të fundit ku ai po nënshkruante merch për fansat e tij, MrBeast iu përgjigj pyetjeve nga biseda, duke përfshirë një pyetje nëse ai ende po vazhdonte me planin për të zotëruar një ekip të League, të cilit ai menjëherë tha po.

“Oh po, madje as mos e mendo fare, po ndodh,” tha MrBeast. “Vetëm më jepni pak kohë. Kemi kaq shumë gjëra në lidhje me këtë kanal, kanalin anësor dhe të gjitha kompanitë e tjera… kështu që padyshim jo këtë sezon ose Summer Split. Por ne patjetër që do të kemi një ekip Beast Gaming në League of Legends, 100 përqind.”

Ky është një hap i madh përpara nga komentet e tij të mëparshme, por ai me siguri thjesht nuk donte të kishte aludime të mëtejshme të fansave nëse ai do të kishte ose jo një skuadër esports-i në League of Legends, e gjitha kjo bazuar në çfarë ai kishte thënë më parë.

“Unë padyshim që dua “, tha ai. “Unë nuk dua të them shumë nga ato që kam planifikuar… kaloj kaq shumë kohë duke parë skuadra të esports, kështu që thashë më mirë… sikur të shikoj një nga ekipet e mia.”

Që nga postimi i tij fillestar, zërat e industrisë duke filluar nga TSM tek CEO i Fnatic, Sam Matthews kanë arritur dhe kanë shprehur interes për të bashkëpunuar me krijuesin që ka grumbulluar gati 46 milion subscribers në kanalin e tij kryesor në YouTube.