Ky baba ka lejuar fëmijën të heqë dorë nga shkolla për të luajtur Fortnite profesionalisht

Disa prindër i shohin videolojërat si një harxhim kohe dhe si një hobi që nuk ka për të sjellë kurrë ndonjë aftësi të dobishme, që mund të përdoret në jetë. Të tjerë pastaj i lënë fëmijët e tyre të ndjekin pasionet.

Një familje në Gold Coast ka vendosur ta lërë djalin e tyre 17-vjeçar, Alex Mackechnie, të heqë dorë nga shkolla për tu bërë një lojtar pro i Fortnite.

Alex ishte si shumë prej moshatarëve të tij, i gatshëm për të mundur plot njerëz online nëpër ndeshje battle royale. Por pasi ai filloi të tregonte përkushtim të vërtetë, mendoi se mund të kishte disa fitime të kënaqshme, nëse do e bënte këtë gjë në mënyrë profesionale.

Ngritja e e-sports ka parë disa prej lojtarëve më të mirë të marrin me miliona dollarë, si pjesë e çmimit për fitoret e tyre. Gjithsesi për të arritur deri në këtë pikë duhet të dedikosh shumë orë në punën tënde. Detyrat e shtëpisë dhe oraret e shkollës mund të ndikojnë negativisht në këtë rast.

Alex ka rreth 22,000 ndjekës në Twitch dhe ka fituar rreth $42,000 përgjatë 18 muajve të fundit, duke konkuruar në kompeticione online rreth e qark botës. Ai shpreson që të bëhet një milioner së shpejti.