Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Minorenët nuk mund të luajnë videolojëra nga ora 22:00-08:00
Qeveria kineze do të vendosë një orar zyrtar për gamers nën moshën 18 vjeç i cili i ndalon ata që të luajnë videolojëra nga ora 22:00-08:00, sipas CNN.
Minorenët gjithashtu do të lejohen të luajnë videolojëra për vetëm 90 minuta gjatë ditëve të javës dhe tre orë gjatë fundjavës dhe ditëve të pushimit. Kjo është pjesë e një programi që qeveria kineze e zbuloi në shtator të 2018.
Ky orar është një prej gjashtë masave që qeveria kineze ka marrë për të ndaluar varësinë nga videolojërat. Organizata Botërore e Shëndetësisë e vendosi varësinë e videolojërave në Listën Ndërkombëtare të Çrregullimeve më herët këtë vit.
Këto masa do të përfshijnë çdo platformë lojërash në Kinë, përfshirë lojërat në mobile dhe publikuesin më të madh të videolojërave, Tencent, që ka në pronësi League of Legends, PUBG Mobile, Arena of Valor dhe shumë lojëra të tjera.
Gamers nën 16 vjeç gjithashtu nuk mund të shpenzojnë më shumë se 200 yuan ($29) në muaj në microtransactions. Limiti dyfishohet në 400 yuan ($57) për minorenët midis 16-18 vjeç.
Kontrolli i videolojërave gjithashtu do të vendosë masa më drastike për lojërat e dhunshme dhe seksuale. Në maj, PUBG u detyrua të lançonte një version të modifikuar të lojës në Kinë të quajtur Game for Peace.
Tregu kinez i gaming është më i madhi në botë, për shkak të popullatës së madhe prej 1.3 miliardë banorëve dhe popullaritetit në rritje të videolojërave.
Qeveria kineze gjithashtu po krijon një sistem identifikimi të bazuar tek emri juaj i vërtetë për t’u regjistruar në videolojëra. Kjo është testuar në vende të tjera, si në Korenë e Jugut, e cila eksperimentoi me Real Name Verification Law nga 2007-2012. Ky ligj i kërkonte përdoruesëve të përdorinin numrin e tyre të regjistrimit për t’u regjistruar në disa website. Kjo bëri që përdoruesit të bllokoheshin nga disa faqe të Google si dhe të tjerë u detyruan të përdornin VPN. Ligji u hoq në 2012 për shkak se ishte anti-kushtetues.
Deri tani, ky ligj nuk duhet të ndikojë industrinë e esports. Esports në fakt janë inkurajuar nga qeveria kineze, që i ka njohur ato profesionalisht që prej janarit të 2018. Kina është tregu i dytë më i madh i esports pas Amerikës së Veriut.
