Hackers po vjedhin pagesat e streamers në Twitch

Para pak kohësh, source code, pagesat e Twitch streamers të ndryshëm dhe më shumë u bënë leak duke shkaktuar shumë probleme për Twitch. Dhe së fundmi Twitch po goditet përsëri me një problem akoma edhe më serioz.

Problemi më i fundit që Twitch po përballet është se një pjesë e madhe streamers në Twitch kanë raportuar se pagesa e tyre nga Twitch po vidhen. Raporti i parë mbi këtë problem ka qenë nga streamer Killadelphia i cili ka afërsisht 10,000 followers dhe është partner me Twitch.

Në raportimin e bërë nga ai, ai shpjegon se dikush kishte hyrë në llogarinë e tij të Twitch, kishte ndryshuar mënyrën e pagesës dhe kishte tërhequr në një llogari tjetër PayPal të gjitha të ardhurat nga subcriptions, reklamat dhe bits.

Pas Killadelphia, shumë streamers të tjerë e kanë raportuar gjithashtu këtë problem si xSophieSophie, Dakillzor, EliteJonas dhe më shumë. Ata provuan që të ndryshonin password, 2FA por përsëri llogaria në të cilën paratë ndryshohej.

Për sa i përket kthimit të parave të vjedhura, Twitch është shprehur se nuk të bëj asgjë për paratë të cilat janë tërhequr duke shkaktuar probleme për shumë streamers. Shumë prej streamers kanë kryer postime të ndryshme në lidhje me këtë problem dhe përgjigjen që Twitch iu ka dhënë.

Dyshimet kryesore hidhen mbi data breach e Twitch të bërë para pak kohësh ku u bënë leak shumë të dhëna të rëndësishme të platformës streaming.