Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Këtë fundjavë që lamë pas, në sheshin Zahir Pajaziti në Kosovë, në kuadër të KosICT u zhvillua finalja e XP League of Legends Champions, një turnament i organizuar nga STIKK si dhe nga akademia e Xportal Esports . Në këtë turnament të League of Legends, ne vendosëm të merrnim pjesë si spektatorë, por dhe të mbulonim eventin dhe dy ekipet shqiptare që merrnin pjesë në të, Respawn dhe OmegaForce.
I nisur një javë më parë me fazën e grupeve të zhvilluara në Xportal, pas disa përballjeve interesante kishte ardhur koha të kurorëzohej fituesi i XP League of Legends Champions. Ndeshja e parë midis Respawn dhe Struga Esports do të vendoste finalisten e parë të turneut. Me Respawn që fitoi bindshëm ndeshjen e parë, u mendua fillimisht se rruga e ekipit nga Tirana drejt finales do të ishte mjaft e lehtë, por nuk ndodhi kështu. Struga Esports zhvilloi dy ndeshje mjaft të mira, duke treguar eksperiencën e tyre ndërkombëtare, duke kthyer rezultatin dhe duke qënë ata finalistët e parë të këtij turnamenti.
Kjo do të thoshte se për të vendosur finalisten tjetër, do të duhej një përballje midis të dyja ekipeve shqiptare, Respawn dhe OmegaForce. Në një përballje mjaft interesante Bo1 që do të vendoste fituesin, Respawn triumfoi, duke iu dhënë sërish mundësia të hakmerrej ndaj Struga Esports dhe të fitonte këtë turnament.
Finalja e madhe ishte mjaft emocionuese, ku të dyja ekipet u përballën sërish në një Bo3 për të shpallur fituesin, ku Struga Esports fitoi 2-0 dy ndeshje shumë të luftuara, ku diferencën e bëri ADC i tyre, Goldento4st. Megjithatë, nuk mbeti pa u vlerësuar dhe performanca e mirë e Top Laner-it të Struga Esports, 2Cups, i cili u shpall MVP i këtij turnamenti, duke pasur një performancë më të mirë jashtë rolit të tij kryesor që është ADC. Megjithatë, edhe Respawn pati një performancë mjaft të mirë, ku u dallua Lee Sin i Spaceboi.
Përveç esports dhe spektaklit që dhuruan ekipet në ndeshje, Xportal gjithashtu organizoi një showmatch plot 50 minuta, si dhe një giveaway të sponsorizuar nga Gjirafa50, ku u dhuruan 2 mouse dhe një 1350RP Gift Card, e cila në mënyrë surprizë u fitua nga ne! Padyshim që i përdorëm në mënyrën më të mirë të mundshme 😉.
Do të donim të falenderonim Xportal Esports për organizimin e këtij turnamenti, si dhe për mundësinë që na dha për të komentuar ndeshjen midis Respawn dhe OmegaForce.
Përveç vizitës në XP League of Legends Champions, patëm gjithashtu mundësi të vizitonim ambjentet e Gjirafa në Prishtinë, duke vizituar njëherësh dhe showroom-et e tyre të MSI dhe SteelSeries, si dhe ambjentet e Xportal. Kjo ishte një eksperiencë mjaft e mirë për ekipin tonë dhe për të ardhmen e gaming dhe esports në Shqipëri, Kosovë dhe Maqedoni dhe mezi po presim të vizitojmë sërish Kosovën. Deri atëherë, GameON!
