Streamer-i i Call of Duty pezullohet pasi qëllon një armë padashje në stream

Një streamer i Call of Duty është pezulluar nga Twitch dhe është pushuar nga organizata e tij, pasi aksidentalisht qëlloi një armë në livestream.

Carl Riemer, i cili tashmë nuk është më pjesë e SoaR Gaming, ka pranuar se ka qenë nën ndikimin e substancave, kur ndodhi situata. Sipas Riemer plumbi kaloi pëtej një filxhani celiku përpara se të fluturonte në një monitor PC $1000, që nuk kapej dot nga kamera që po xhironte në ato momente.

Se sa do të zgjasë pezullimi i tij nga Twitch nuk dihet. Rregullat e platformës e bëjnë të qartë se nuk lejohet përdorimi i armëve për të kërcënuar, intimiduar ose vrarë të tjerët dhe se raste të tilla kanë zero tolerancë dhe rezultojnë në ban të menjëhershëm.

Riemer tashmë ka postuar një video ku ka kërkuar ndjesë për incidentin, ose më saktë gabimin e tij trashanik. Ai gjithashtu tha se SoaR ka marrë vendimin e duhur që e ka hequr nga organizata.

Riemer ka shtuar se pavarësisht numrit të madh të followers dhe popullaritetit në YouTube, videot e tij nuk po tërhqinin më të njejtin anticipim si dikur dhe se karriera e tij po varej vetëm nga stream-et e Twitch.

“Twitch është gjithçka për mua,” thotë Reimer. “Të ardhurat nga YouTube më kanë shteruar.., Twitch ka sjellë 100% të tyre prej vitesh. Është çdo gjë për mua dhe e hodha të gjithën tutje mbrëmjen e shkuar.”

Kanali i Reimer në Twitch ka mbi 100,000 ndjekës, por ai e pranon se nëse pezullimi i tij do të jetë i përhershëm, do të kalojë në YouTube.