Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Kemi parë shumë raste të ndryshme ku kompani të mëdha të prodhimit të lojërave janë paditur sepse një prej personazheve në lojë ngjante me një njeri të vërtetë. Rasti më i fundit vjen nga Activision i cili është paditur së fundmi për ketë arsye.
Bëhet fjalë për Operatorin Mara e cila është pjesë e Call of Duty: Modern Warfare dhe Warzone. Sipas një raportimi të bërë nga Polygon, padia është ngritur kundër Activision pasi ky i fundit ka kopjuar një karakter origjinal nga historia e shkurtër e Clayton Haugen e quajtur November Renaissance. Krahasimin midis këtyre dy personazheve mund të gjeni në faqen 13 të këtij dokumenti ose në foton e mëposhtme.
Personazhi Janus nga November Renaissance është një Twitch streamer dhe modele e quajtur Alex Zedra e cila ishte punësuar për të prezantuar ketë personazh dhe për të bërë foto të si ky personazh gjatë vitit 2017.
Gjatë vitit 2019, gjatë Call of Duty: Modern Warfare Season One, Mara iu bashkuar lojës si DLC Operator. Dhe për të gjithë ju që nuk e dinit, paraqitja e jashtme e Mara është bazuar tek Alex Zedra.
Kjo gjë ka bërë që Haugen të akuzojë Activision për kopjim të Janus për të krijuar Mara dhe se ka përdorur imazhet e Janus për rikrijuar atë sa më shumë të jetë e mundshme. Gjithashtu në ketë akuzë thuhet se përveç se Activison punësoi të njëjtën modele, Activision ka punësuar gjithashtu edhe të njëjtin makeup artist për të rikrijuar makeup e Janus.
Akoma nuk dihet se çfarë do të ndodh në lidhje me ketë çështje dhe presim lajme të reja rreth kësaj çështjeje në të ardhmen.
