Chainsaw Man zbulon trailer e dytë dhe detaje të reja

Anime e Chainsaw Man është një prej anime më të shumëpritura për vjeshtën e vitit 2022. Dhe tashmë një trailer i ri është zbuluar gjatë livestream të sotshëm bashkë me shumë detaje të reja.

Gjatë një livestream të zhvilluar në kanalin e Mappa në YouTube, Chainsaw Man shfaqi trailer e dytë të serisë bashkë me shumë detaje të reja mbi serinë anime. Trailer tregon skena brutale të mbushura plot me aksion, njësoj siç ishte premtuar nga autori i serisë se Mappa nuk do të censuronte skenat brutale.

Bashkë me trailer është zbuluar edhe kasti i anime ku mund të shohim njerëz të vjetër po ashtu edhe talente të reja. Më poshtë do të gjeni një pjesë të kastit kryesor të anime së Chainsaw Man.

• Denji – Kikunosuke Toya (Osei Kiyoshima “Wind Boys”)
• Makima – Tomori Kusunoki (Futaba “My Senpai is Annoying”, Misha “Misfit of Demon King Academy)
• Aki Hayakawa – Shogo Sakata (Gladion “Pokémon”, Carbo “Dr. Stone”)
• Power – Fairouz Ai (Jolyne Cujoh “JoJo Stone Ocean”, Valkyrie “Cautious Hero”)

Gjithashtu edhe stafi i anime është zbuluar të cilët përfshijnë:

• Studio: Mappa
• Regjia: Ryu Nakayama
• Skripti: Hiroshi Seko
• Dizajni i karaktereve: Kazutaka Sugiyama
• Regjisor aksioni: Tatsuya Yoshihara
• Muzika: Kensuke Ushio
• Producent animacioni: Keisuke Seshita

Për çfarë flet Chainsaw Man?

Chainsaw Man tregon ngjarjet e Denji i cili punon si vrasës demonësh. Por një ditë puna e tij merr për keq dhe ai shndërrohet në një njeri-demon që ka aftësinë që të kthejë krahët e tij në “shara”. Bashkë me aksionin e madh që seria ka, në të do të gjeni edhe shumë skena gazmore prandaj shumë fansa kanë premisa të larta ndaj kësaj anime.

Pjesë e serisë anime do të jetë edhe Ryū Nakayama i cili ka qenë drejtues episodesh/regjisor tek anime si Jujutsu Kaisen, One Punch Man dhe më shumë. Animacioni do të vijë nga Mappa dhe Chainsaw Man do të transmetohet gjatë tetorit të vitit 2022. Akoma nuk kemi një informacion të saktë se sa episode do të ketë.