Traileri i parë për filmin e Lion King duket fantastik

Disney ka publikuar trailerin e parë për filmin live-action Lion King. Ky është lajm fantastik për të gjithë ne që jemi rritur me kasetën e Mbretit Luan çdo pasdite pas kopshti. Traileri i postuar është fantastik dhe tregon se sa shumë ka avancuar animimi kompjuterik. Ndiqeni trailerin më poshtë:

Përsa i përket dubluesve edhe këtu kemi emra madhështorë. James Earl Jones luan Mufasa, Donald Glover luan Simbën, Beyonce luan Nala, Chiwetel Ejiofor luan Scar. Komediani John Oliver luan Zazu, Seth Rogen dhe Billy Eichner dublojnë respektivisht Pumbaa dhe Timon, kurse John Kani dublon personazhin e  Rafiki.

Emra të mëdhenj paraqiten edhe në aspektet muzikore me pjesëmarrjen e Hans Zimmer dhe Elton John, të dy legjenda muzikore. Filmi do të lançohet në 19 korrik të 2019s dhe mund të themi me bindje se jemi duke numëruar ditët mbrapsht deri atëherë.