Ndryshimet që kanë ardhur në upgrade e tetorit në Windows 10

Upgrade i rradhës sjell ndryshime që prej Start menu dhe deri tek funksioni Alt + Tab

Microsoft lancoi së fundmi Update 10 October 2020 për Windows 10 për mbi 1 miliardë përdorues. Ky upgrade sjell shumë ndryshime dhe rregullime sesa veçori të reja duke përmirësuar shumë gjëra në Windows 10.

Gjëja e parë që vihet re është Start menu e re me një dizajn të ri ku ikonat tashmë nuk do të kenë ngjyrat monotone por do të kenë një sfond transparent. Asnjë ndryshim nuk ka ndodhur në funksionet e kësaj menu.

Ndryshime të tjera kanë ndodhur edhe tek funksioni Alt + Tab. Tashmë nuk do të mund të lëvizni vetëm midis aplikacioneve por edhe midis dritareve që keni hapur në Microsoft Edge. Microsoft iu jep mundësinë të përdorni funksionin e vjetër të Alt + Tab nëse ky funksion nuk iu përshtatet.

Tashmë fansat e gaming nuk do të kenë më nevojë të hapin panelet e aplikacioneve të AMD ose Nvidia për të ndryshuar refresh rate e ekranit tuaj. Falë upgrade të ri refresh rate i ekranit tuaj mund të ndryshohet direkt në screen settings duke iu lehtësuar shumë punë.

Ndryshime të tjera që kanë ardhur bashkë me ketë upgrade është një taskbar më i mirë dhe i organizuar me ikona të cilat mund të njihen lehtë dhe tablet mode i cili nuk do të jetë më i vlefshëm nëse jeni duke përdorur 2-in-1 laptop.

Edhe pse ky upgrade ka dalë akoma nuk është i vlefshëm për të gjithë. Për të eliminuar problemet, ky upgrade nuk do të jetë i vlefshëm për të gjithë. Nëse dëshironi të shikoni nëse pajisja juaj e suporton ketë upgrade shkoni tek Settings -> Upgrade & Security -> Windows Update. Nëse akoma nuk keni asnjë njoftim do t’iu duhet të prisni edhe disa javë që ky upgrade të vijë në pajisjen tuaj.