ride-3-milestone
Reviews

Ride 3 Review

Ride 3 është rikthimi i Milestone në industrine e gaming. Loja u lançua në 30 nëntor dhe në linjën e saj kryesore , ashtu si dhe me paraardhëset e saj, Ride dhe Ride 2 vendoset si qëllim garimi me motoçikleta. Duke marrë parasysh projektet e mëparëshme të kësaj studioje nuk e dimë se çfarë duhet të presim nga Ride 3.

Ride 3 prezantohet mjaft e gjerë në pëmbajtjen e saj. Një lojë kjo me 25 stade, secili me pista të ndryshme ku ju mund të konkuroni. Duket se në krahasim me lojërat e tjera të Milestone, Ride 3 qëndon një hap mbrapa në terma të kualitetit. Garat gjatë natës janë të shkëlqyera, por gjatë ditës pistat janë bazike. Sfondi nuk ka shumë detaje dhe turma është e ngurtë dhe e pajetë. Këto janë elemente pak zhgënjyese, sidomos kur marrim parasysh mundin e madh që janë vënë në aspektet e motoçikletave.

ride-3-milestone

Te këto të fundit mekanizmat janë të shkëlqyera, detejet në çdo komponent janë fantastike dhe padyshim që kjo do të jetë një gjë shumë interesante për tu eksploruar nga fansat e motoçikletave. Edhe mënyra se si drita reflektohet në zona të ndryshme është përmirësuar, duke krijuar rrjedhimisht një pamje realistike. Motoçiklistët nga ana tjetër janë sërisht pak zhgënjyes. Pra shumë prej elementëve kanë një realizim mesatar dhe vetëm një ka realizim të shkëlqyer.

Një pjesë e mirë e kritikave në lojërat me motoçikleta lidhen me fizikën e tyre. Shpesh herë ose do të jenë shumë të ndjeshme ose të paqëndrueshme. Do të mendonim se me sjelljen e një loje të tretë të kësaj zhanre këto probleme do të ishin ndrequr, por ky nuk është një rast i tillë. Le të themi që pritej pak më shumë nga një lojë konsoli.

ride-3-milestone

Ride 3 kemi prezencën e një opsioni të quajtur ‘rewind’. I realiueshëm përmes butonit R1 ky tipar ju jep mundësinë e rikthimit 10-20 sekonda pas sa herë që ju pësoni një rënie në lojë. Në fillim është vërtet interesante, pasi të ndihmon me progresin brenda garës, por me kohën kjo zhvesh çdo aspekt sfidues, pasi nuk ka një limit të përdorimit të saj.

Pjesa e progresioni është standart. Ju konkuroni dhe shpërbleheni në varësi të pozicionit tuaj të finishit. Paratë që merrni mund ti shpenzoni në upgrade, biçikleta ose çfarëdo mund ta shihni ju si të përshtatshme. Procesi është relativisht i ngadaltë dhe nëse nuk arrini një nivel të caktuar të ambicies nuk do të shikoni disa nga pjesët më të mira të lojës.

ride-3-milestone

Muzika është vërtet spektakolare dhe ia del më së miri të të vendosë në humorin e duhur për të garuar. Gjithsesi nëse ndjeheni më mirë në playlistën tuaj individuale, padyshim që edhe ai qëndron si opsion.

Konkluzion

Përgjithësisht Ride 3 nuk është një lojë e keqe dhe e prezanton denjësisht botën e motoçikletave. Në disa momente grafikat janë mbreslënëse e në momente të tjera lënë pak për të dëshiruar. Aspektet fizike janë poshtë mesatares dhe ndoshta kjo është arsyeja pse Milestone nuk ka vendosur një limit në përdorimin e butonit rewind. Progresi është i ngadaltë, por mëse i kënaqshëm dhe perfeksioni i motoçikletave është vërtet për t’u vlerësuar. Përgjithësisht ia vlen ti hidhni një sy nëse jeni të dhënë pas këtij lloj sporti.