fbpx
pro-evolution-soccer
Reviews

Pro Evolution Soccer 2019 Review

Që para se të nxirrej në shitje për publikun, PES 2019: Pro Evolution Soccer ishte në disavantazh nëse e krahasojmë me PES-in e vitit të kaluar. Konami ka hasur gjithmonë vështirësi kur vjen fjala për licencimin, por pas humbjes së të drejtave të Champions League, Europa League dhe UEFA Super Cup ndaj konkurrentit të saj kryesor, FIFA, pasqyrimi i futbollit në botën reale shfaqet edhe më i shkretë. Janë bërë përpjekje për të kompensuar këtë humbje me përvetësimin e më shumë ligave rreth botës, por a ka rëndësi gjithë kjo kur gameplay në ato 90 minuta është dicka krejt tjetër?

Në vend të një Cristiano Ronaldo të vetëkënaqur që ngre trofeun e Champions League për herë të gjashtë, Konami ka fituar licencat për ligat të mëdha si: ‘Scotland’s Ladbrokes Premiership’, ‘The Russian Premier League’ dhe ‘Portugal’s Liga NOS’. Krahas tyre, ligat nga Argjentina, Danimarka, Zvicra, Belgjika dhe Turqia bashkohen me skuadrat e Ligue 1, duke pasur secilën skuadër plotësisht të përfaqësuar në lojë me emra, logo, fanella etj.

Që para se të nxirrej në shitje për publikun, PES 2019: Pro Evolution Soccer ishte në disavantazh nëse e krahasojmë me PES-in e vitit të kaluar. Konami ka hasur gjithmonë vështirësi kur vjen fjala për licencimin, por pas humbjes së të drejtave të Champions League, Europa League dhe UEFA Super Cup ndaj konkurrentit të saj kryesor, FIFA, pasqyrimi i futbollit në botën reale shfaqet edhe më i shkretë. Janë bërë përpjekje për të kompensuar këtë humbje me përvetësimin e më shumë ligave rreth botës, por a ka rëndësi gjithë kjo kur gameplay në ato 90 minuta është dicka krejt tjetër?

Në vend të një Cristiano Ronaldo të vetëkënaqur që ngre trofeun e Champions League për herë të gjashtë, Konami ka fituar licencat për ligat të mëdha si: ‘Scotland’s Ladbrokes Premiership’, ‘The Russian Premier League’ dhe ‘Portugal’s Liga NOS’. Krahas tyre, ligat nga Argjentina, Danimarka, Zvicra, Belgjika dhe Turqia bashkohen me skuadrat e Ligue 1, duke pasur secilën skuadër plotësisht të përfaqësuar në lojë me emra, logo, fanella etj.

Por mjaft folëm për marrëdhëniet jashtë fushës, le të merremi pak me gameplay. Pro Evolution Soccer ka qenë gjithmonë e lavdëruar për gameplay e saj, dhe 2019 edition vazhdon këtë traditë. Pasimi ndjehet i mrekullueshëm, lojtarët animojnë mrekullisht dhe akti i thjeshtë i të shënuarit ndihet si një arritje e madhe kur fati i gjithë kampionatit varet nga ai gol. Kjo është e gjitha pjesë e serive së Pro Evolution Soccer dhe kështu ata që thjesht kanë nevojë për kthimin e  ndjenjës së përgjithshme e të luajturit futboll, do të mbeten të kënaqur.

Përsa i përket tipareve dhe shtesave të reja, versioni i këtij viti është “peshë e lehtë”. Një sistem i ri i qëndrueshmërisë i quajtur ‘Visible Fatigue’ përpiqet të simulojë lodhjet që një lojtar vuan gjatë gjithë ndeshjes, me animacione që tregojnë mungesën e energjisë dhe një performancë të dobët në fushë. Tani keni mundesinë të përdorni një tipar tjetër të ri që ju lejon të bëni zëvendësime shpejt pa patur nevojë të ndaloni lojën, shumë e ngjashme me atë që është zbatuar në FIFA 18.

Një veçori më e re i është dhënë “Magic Moments”. Në thelb, kjo u lejon lojtarëve më kreativë të shfaqin stilet dhe truket e tyre, goditjet e mahnitshme, dhe golat e paharrueshëm si të ishin në jetën reale. Kylian Mbappé do të sulet në krah dhe do të japë një krosim të përsosur, Philippe Coutinho del para lojtarëve dhe i kalon me lehtësi, ndërsa Harry Kane vazhdon të shënojë. Është diçka që ju do të vini re vetëm nëse kaloni një kohë të gjatë me një lojtar, por kur shpërbleheni, rezultatet janë të denja për t’i ripërsëritur.

Një pjesë e lojës që nuk arrin të ofrojë ndonjë gjë të re është ‘modes’, me Master League që ofron vetem një shop kur doni të luani. Disa aspekte të ‘competitive mode’ janë riformuluar, me një mënyrë të re për të nënshkruar me lojtarë, si ‘scouts’ që mund të kërkoni lojtarë me potencial për të përmirësuar skuadrën tuaj dhe një angazhim për nxjerrien e nje versioni të ri të lojtarëve bazuar në performancat e tyre reale. Gjithë kjo është në rregull, megjithëse mendojmë se është vetëm një version i varfër i FIFA, kur e krahasojmë me atë që ofrohet nga pala tjetër.

Për ata që kërkojnë të investojnë në një karrierë offline në Master League, gjërat e bukura që ofron kjo pjesë do t’ju bëjnë të fiksuar, por ka disa probleme të vogla qe nuk të japin eksperiencën e pritur. Peter Drury dhe Jim Beglin janë edhe një herë komentatorët e ndeshjes, dhe në mënyrë klasike, ata kanë një reagim të tepruar ndaj gjuajtjeve të lehta në portë, janë shumë të ngazëllyer në momente të gabuara dhe bëhen të bezdisshëm kur përpiqesh të përqendrohesh në lojë. Gjyqtarët gjithashtu nuk janë aty ku duhet, p.sh duke lejuar ndërhyrjet brutale, të cilat me siguri do te rezultonin në një karton të verdhë në jetën reale, duke i bërë goditjet e lira shumë të rralla gjatë lojës. Diçka tjetër që duhet të shtojmë janë tarifat e transfertave, të cilat duken të jetë shumë të ulëta. PES 2019 duket se ka mbetur në epokën para transfertës së Neymar, sepse jemi në gjendje të blejmë lojtarë si Marcelo dhe Virgil van Dijk për më pak se $30 milionë.

Konkluzioni

Në vend që të rregullojë përvojën, PES 2019: Pro Evolution Soccer vazhdon të përmirësojë gameplay-n e saj me karakteristika të ndërlikuara që fansat do t’i vlerësojnë për një kohë të gjatë. Me asnjë shtesë të madhe në modalitete apo licenca, megjithatë, ky edicion i vitit 2019 është deri diku inekzistent kur vjen fjala për inovacione të sjella në lojë. Pro Evolution Soccer është njohur për rikthime të bujshme, por shpresat tona nuk janë dhe aq të mëdha.