Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
E njoftuar në E3 2018, loja aksion-aventure Just Cause 4 për PS4, Xbox One dhe Windows PC ju vendos në rolin e protagonistit të serive Rico Rodriguez. Në Just Cause 4 ju do të përshkoni rrugën e vendit ekzotik të quajtur Solis, që ta çlironi nga kthetrat e tij diktatoriale. Ndoshta ju vjen si e dëgjuar sepse është e njejta formulë e ndjekur në çdo lojë të Just Cause 4. Këtë rradhë gjithsesi ajo është shprehur në mënyra më të mira..
Si në seritë e para, Just Cause 4 ju vendos që të ndihmoni një rezistencë në mposhtjen e sunduesit të saj qeveritar. Do të reduktoni bazat ushtarake, do të merrni pjesë në sekuenca ndjekjesh që i përngjajnë filmave aksion të viteve 80 dhe do të lundroni në pasojat që shkakton armiku juaj. Misionet e Just Cause 4 janë të shumtë. Disa prej tyre lidhen drejtpërdrejt me historinë, kurse të tjerë ekzistojnë sa për të paraqitur disa sfonde të reja dhe për të mos i bërë gjërat shumë monotone.
Sado që pjesa më e madhe e argëtimit qëndron te misionet edhe mekanikat e gameplay-it mbartin peshën e tyre. Në lojërat e mëparëshme mund të përdornit një grep për tu transportuar në sipërfaqe të tjera, këtë rradhë atë mund ta përdorni për të bashkangjitur me të raketa ose armë kundrejt çdo objekti brenda lojës. Këto opsione ju japin mënyra të reja për të plotësuar objektivat tuaj dhe një mundësi për të shtuar pak më shumë dozat e kreativitetit.
Krahas miksimit të misioneve dhe mekanikave të reja të gameplay-it, kemi edhe aspektin e zhvendosjeve. Me zhvendosje duam të themi kalimin nga një opsion i të luajturit te tjetri. Pra mund të kryeni tranzicion nga një wing-suit në kapjen e objekteve përmes ‘grapple’ për të anuar përpara, në përdorimin e një parashute për të arritur në destinacionin tuaj. Në fillim ky kalim mund të duket pak i sforcuar, por pasi ia merr dorën butonave, kupton që në fakt është shumë i dobishëm.
Kur vjen puna te Solis pastaj, është një nga vendet me mjediset më të larmishme në botën e Just Cause. Qyteti shfaq male me dëborë, qendra urbane, xhungla dhe shkretëtira. Pak e çuditshme nëse e mendon si një vend realistik. Ndërtimi i lojës rreth katër llojeve të motit: tornadot, stuhitë e dëborës, stuhitë e rërës dhe stuhitë e shiut, vërtet që i japin një plus të madh asaj.
Pika e dobët në Just Cause 4 është në tranzicionin e skenave. Herë pas here misionet duhet të pasohen nga disa momente që të japin një lloj ideje se çfarë do të vijë më pas. Këto momente gjithsesi mbushen me ekrane “loading” të cilat e prishin pak eksperiencën.
Kur vjen puna te efektet zanore, mund të themi se shpërthimet lënë impaktin e duhur për një lojë Just Cause. Performanca zanore e aktorëve është e mirë përgjatë gjithë lojës. Pika e rënies vjen si rezultat i përsëritjes së tipeve të misioneve. Gjë kjo që çon edhe në përsëritjen e veprimeve dhe aksioneve tuaja. Armët eksplozive kanë tingullin e duhur, por pushkat mund të bënin edhe më mirë. Edhe një pjesë e automjeteve vuajnë nga i njejti problem.
Fokusi kryesor i Just Cause 4 është te aksioni, ndaj pritet që narrativa e hitorisë të mos jetë në potencialin e saj të plotë. Gjithsesi zhvilluesit e saj prezantuan një histori interesante. Rico Rodriguez është në rolin e tij tipik,i mbështetur edhe nga dy personazhe të tjera gjatë udhëtimit të tij. Dy antagonistët në Just Cause 4 janë në rregull, por nuk marrin vëmendjen që meritojnë. Loja nuk përfshin në mënyrë direkte asnjë prej tyre dhe kjo është për të ardhur keq, pasi gjërat do të ishin shumë më intriguese në të kundërtën.
Konkluzion
Krahas pjesës që risjell të njejtën ide me parardhëset e saj, Just Cause 4 mbetet e këndshme falë gameplay-it kreativ dhe misioneve të ndryshme. Aspektet vizuale janë të shkëlqyera dhe edhe ato zanore nuk mbeten pas. Padyshim që ka disa momente ku loja çalon, por përgjithësisht Avalanche Studios ka bërë një punë të mirë.
