Gaming Lajm i Fundit Reviews Xbox One Xbox Series X|S

Forza Horizon 5 Review

Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds

Nuk ka nevojë të shpikni rrotën, dhe kjo është edhe mëse e vërtetë kur jemi duke folur për një lojë racing. Nëse shikoni versionin e viteve 1950 të një Benz E-Class, mund të shihni se modeli evoluon përmes dekadave dhe përmirësimeve të vogla, por prapë mund të shihni ngjashmërinë e markës në çdo vit. Është e njëjta gjë për Forza Horizon 5.

Këtë herë, zhvilluesi i lojës, Playground Games na çon në një përfaqësim imagjinar të Meksikës. Vendndodhja sjell një seri biomesh të larmishme për të garuar, bërë drift dhe treguar aftësitë tuaja në një përzgjedhje masive makinash.

Muzika meksikane përshtatet mjaft mirë në playlist-in perfekt të lojës. Atraksionet turistike në Meksikë vendosen natyrshëm brenda hartës së madhe. Ato përdoren në një mënyrë simpatike për të përmirësuar lojën gjatë gjithë kohës.

Por gjëja e parë që vëreni me Forza Horizon 5 është se tonet pak të heshtura të lojës së mëparshme janë fshirë plotësisht. Forza Horizon 5 është më e zhurmshme, me më shumë ngjyra, më e guximshme se Horizon 4 në çdo mënyrë. Në ca momente më duket sikur po kërceja nga Dirt Rally 2.0 në DIRT 5. Në këtë lojë nuk ka asgjë të frenuar.

Ky është një përshkrim i Meksikës që nuk do ta gjeni askund tjetër. Është e gjallë dhe shumë autentike.

Kur bëhet fjalë për gameplay, ju mund të merrni pjesë në rallies të ndryshme, gara rrugësh natën, drag racing, marifete dhe drifting nëpër shtigje dhe shumë shumë të tjera. Një minutë do të kërceni me një buggy mbi dunat e rërës dhe në tjetrën do të fluturoni pak a shumë me një Mclaren Senna. Nga rrugët e thepisura buzë shkëmbinjve deri tek fushat e gjera, është një shesh lojërash i përsosur për të fiksuarit pas makinave, por loja arrin të jetë aq e aksesueshme saqë nuk ka rëndësi nëse jeni të çmendur pas makinave ose jo.

Kjo është pjesa ku Forza Horizon ka shkëlqyer gjithmonë – duke u futur në atë terren të mesëm midis një loje racing për qejf dhe një loje simulator shumë serioz dhe realistik. Është një lojë garash ku barrierat rrugore janë më shumë si sugjerime rrugore, le të themi. Ju madje merrni pikë kur thyeni gjëra. Nuk ka rëndësi nëse mund të qëndroni brenda korsisë suaj, ju shpërbleheni për gjithçka që bëni në Forza Horizon 5. Gjithmonë po bëni progres drejt diçkaje tjetër. Njësoj si ato gardhe metalike që janë në anë të rrugëve, nuk ka asnjë pengesë që nuk mund ta thyeni.

Kjo aksesueshmëri shoqërohet me dhjetëra opsione personalizimi, të cilat shtrihen edhe në përemra dhe lloje zëri në menunë e personalizimit të karaktereve. Ju gjithashtu mund të rregulloni pothuajse çdo aspekt të vështirësisë për t’iu përshtatur aftësive tuaja.

Për shkak të gjithë kësaj, Forza Horizon 5 është një lojë racing që pothuajse tejkalon zhanrin. Nëse dëshironi t’i futeni thellë lojës mund t’i personalizoni makinat tuaja drejt aerodinamikës dhe peshës, por ka opsione për të aplikuar automatikisht përmirësime nëse nuk doni të humbisni kohë. Ka kaq shumë për të luajtur, por asnjëherë nuk ndihet sikur nuk dini me çfarë të nisni.

Unë kam shumë pak kritika për Forza Horizon 5, por le t’i themi gjithsesi. Së pari, çdo person në lojë flet kaq shuuumë. Prezantuesit e radios dakord, por të gjithëve të nuk i mbyllet goja. Atmosfera e festivalit funksionon, por a duhet vërtet të dëgjojmë kaq shumë për njerëzit që flasin për gjyshin e tyre që ndërtoi një makinë klasike? Unë do të thoja jo”.

Jashtë kësaj, shqetësimi im i vetëm është animimi i lojës kur gjeni një makinë klasike në një barn. Nuk e di nëse zhvilluesit u treguan pak përtacë apo ishte thjesht zgjedhja e tyre por nuk më pëlqen dhe aq fakti që në vende të ndryshme, në momente të ndryshme të ditës është gjithnjë i njëjti animacion kur ju gjeni një barn. Gjë e cila ishte shumë qejf dhe jua rekomandoj nëse doni të gjeni makina që janë legendary dhe nuk doni të paguani gjë për to.

Nuk ka rëndësi se në cilën makinë jeni, secila prej tyre ndihet e pabesueshme në mënyrën e vetë. Shumë shpejt krijoni një listë të makinave të preferuara për çdo lloj gare, por po aq shpejt i braktisni ato të preferuarat për një të re. Makinat e reja depozitohen në garazhin tuaj me një ritëm të tillë që as nuk e keni problem t’ua jepni lojtarëve të tjerë me mekanikën e ‘gift to barn’.

Dhe bota e lojës… nuk kam fjalë! Është thjesht e mrekullueshme, dhe pikërisht ajo që i duhej lojës pas kodrave të pafundme të Britanisë në Forza Horizon 4. Gjithmonë do të jetë më emocionuese të ngasësh një makinë në anën e një vullkani sesa të kalosh me makinë pranë një pijetoreje në fshat. Si përfundim, Forza Horizon 5 është super lojë. Në fakt jo – Forza Horizon 5 është ndoshta loja më e mirë racing e bërë ndonjëherë dhe duhet ta provoni edhe nëse zakonisht nuk luani lojëra të këtij zhanri.