fbpx
football-manager-2019
Reviews

Football Manager 2019 Review

Lojërat manager kanë qenë në qarkullim që në vitet ‘90, përpara se Sports Interactive Games ti quante Football Manager. Mund të themi me plot gojën se kemi kaluar orë të tëra duke i luajtur këto lojëra, ndaj pyetja e natyrshme kur vjen puna të Football Manager 2019 është: “A ka ndopak përmirësim nga ajo e vitit të shkuar?”

Ka ndryshime të dukshme në Football Manager 2019, që e bëjnë atë të mbajë një rol të qëndrueshëm në rendin e serive. Ndonëse disa probleme të vogla kanë mbetur pa zgjidhje, ka mjaftueshëm material për tu konsideruar si një update krahasuar me seritë e tjera, edhe nëse ky i fundit nuk është një faktor restaurues i logjikës së lojës.

football-manager-2019

Ndryshimi më i anticipuar, krahas menusë së muzikës në FM18, është ai i taktikës. Në Football Manager 2019, tactical instructions ndahen në tre panele të veçanta : possession, out of possesion dhe in transition. Këto dy të fundit në veçanti kanë marrë shumë vëmendje. Përgjithësisht sistemi i ri i taktikave lejon për herë të parë menaxhimin e gjithë fazave të lojës dhe jo trajtimin e tyre në mënyrë homogjene.

Football Manager 2019 vjen me disa tactical presets si : tiki taka, wing play dhe gegenpressing. Sado që kjo shtojcë është e këndshme për ata që hasin vështirësi në taktikën e këmbëve, të jep pak ndjenjën sikur ti bën gjërat gati dhe shumë të lehta. Një pjesë e sfidës së Football Manager ka qenë gjithmonë ekzekutimi i një taktike dhe vendosja e presets e zbeh paksa këtë element.

Sapo të keni përfunduar me gjërat e vogla dhe të nisni rrugën drejt ndeshjes, do të vëreni direkt ndryshimet në “match engine”. Animacionet e lëkundura, pasimet e çuditshme dhe ajo gjëja ku rrinit në vend dhe rrotulloheshit janë zhdukur. Ndeshja ndjehet më e mprehtë dhe përgjigjet më mirë ndaj taktikave. Kështu e prezanton futbollin shumë më bukur se versioni i vjet-shëm. Vihen re edhe detajet e realizuara në sjelljen fizike të topit dhe shtimi i llojeve të ndryshme të golave, për t’iu përfshirë më shumë se kurrë në eksperiencën e lojës.

Siç mund të thonë edhe shumica e futbollistëve, stërvitja para ndeshjes është po aq e rëndësishme sa vetë dita e saj. Si duket pjesa e stërvitjes më në fund ka marrë pak vëmendje dhe këtë rradhë është një rregullim total. Me përpjekjet e mëparëshme diku minimale, Sports Interactive ka tejkaluar vërtet pritshmëritë tona këtë rradhë. Me një dyndje tiparesh të reja kaq të zellshme, sa mund të duken edhe si lodhëse në momente të caktuara.

Siç u tha edhe në fillim, mbeten ende disa probleme të vogla. Po flasim kryesisht këtu për “Press Conferences”. Këto të fundit mund të jenë tmerri i çdo menaxheri. Nëse e ke luajtur Football Manager për periudha të konsiderueshme kohore do e kuptoni se sa e mërzitshme është të duhet të kalosh përmes një sërë pyetjesh të ricikluara për të progresuar në ndeshjen e rradhës. Dërgimi i një asistenti ka qenë gjithmonë një opsion, por duke qenë se këto përgjigje ndikojnë në performancën përfundimtare të ndeshjes, është mirë të mos rrezikosh. Sports Interactive gjithmonë ka hasur vështirësi në rikrijimin e niveleve të dramës së futbollit përsa i përket shtypit.

Një zonë tjetër që mbetet e injoruar janë lëvizjet e planifikuara, që kur e mendon se sa të rëndësishme janë në lojën e sotme moderne, nuk arrin të të besohet. Problemi qëndron te fakti që këto dy zona janë kritikuar edhe vjet, por prapëseprapë vijojnë të qëndrojnë njëlloj. Ndoshta SI do të ruajë disa ndryshime edhe për FM20.

Pika më e fortë e Football Manager mbetet database-i i madh dhe i detajuar që ka, e cila sërisht u update-ua. Kjo mirëmbajtje është kyçe, duke i falur universit të lojës gjallëri dhe diversitet. Asnjë qoshe nuk është hequr në Football Manager 2019.

KONKLUZION

Përgjithësisht Football Manager 2019 mbetet një vazhdim i denjë i serive të Football Manager. Ndonëse mund të mos jetë një lançim që do të mbahet mend, padyshim që shfaq përmirësime të dukshme. Nëse kjo lojë është për ju ose jo varet plotësisht nga ajo që ju dëshironi prej Football Manager. Nëqoftëse po kërkoni për një lojë të detajuar me fokus në taktika dhe stërvitje, padyshim që kjo është zgjedhja e duhur. Nëse doni ndryshimet e mëdha dhe transformuese të Football Manager, mund të jetë ide më e mirë të prisni për publikimin e vitit të ardhshëm.