Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Battlefield V, i zhanrës first-person shooter u lançua në datë 15 të muajit të kaluar. Pas suksesit masiv që pati Battlefield 1, DICE vendosi të krijonte diçka tjetër, duke u bazuar në pikat e forta të first-person shooterit të parë. Battlefield V është pak a shumë si diçka e mirë që të troket në derë, por njëkohësisht e papërfunduar. Sigurisht që ti je mirënjohës që ajo është aty, por do të ishe edhe më i lumtur sikur situata të paraqitej pak më e plotë.
Battlefield 1, paraardhësja e Battlefield V u prit jashtëzakonisht mirë nga publiku, ndaj një pjesë e mirë e gjërave në Battlefield V bazohen në të njejtat linja. Historia zhvendoset nga Lufta e I Botërore në Luftën e II Botërore. Sigurisht që kjo e fundit është konsumuar pak nëpër video-lojëra, por DICE merr vendimin e zgjuar dhe kapet me aspektet e luftës që nuk janë edhe aq të njohura. Këtu mund të përmendim rezistencën Norvegjeze dhe shërbimet detare në Afrikën e Veriut.
Loja prezantohet përgjithësisht si e shkurtër, me tre histori në total që mbulojnë diku te 6 orë. Pjesa më e bukur e këtyre historive cilësohet të jetë “Nordlys”, e cila fokusohet në përpjekiet e një gruaje për të shpëtuar një anëtar tjetër të rezistencës Norvegjeze dhe të ndaluarit programet e armëve nukleare Gjermane. Jo vetëm është një histori e shkëlqyer, por është e mbushur me elementë që e bëjnë atë të paharrueshme. E gjithë loja duket mjaft mirë vizualisht, mbi të gjitha në Xbox One X ku gjejnë përdorim fantastik motorat e Frostbite 3.
Problemet teknike zëre se nuk vihen re fare. Ndonjëherë do i shihni armiqtë të fluturojnë disa metra mbi ajër pasi ti qëlloni. Ka disa bezdisje të vogla. Përshembull sado që është për tu vlerësuar që personazhet në lojë flasin gjuhën e tyre amtare, titrat në mes të një shkëmbimi zjarresh nuk janë shumë të leverdisshme. Situata është edhe më keq kur tirat e bardha vihen pas një sfondi të bardhë dhe literalisht nuk kuptohet asgjë.
Pjesa e multiplayerit ndjek sërisht formulën e Battefield 1. Është shumë gallatë, por ndjehet pak e zhveshur me vetëm Conquest, Grand Operations, dhe llojet e tjera tradicionale të ndeshjes në dispozicion. “Grand Operations” është e ngjashme me Operations mode të prezantuar në Battlefield 1, por tani arrin klimaksin duke i pajisur lojtarët me armën e tyre të paracaktuar, municione të kufizuara dhe pa ringjallje.
Gjithsesi mode-et më inovative të multiplayer ende nuk kanë arritur. “Tides of War” do të dali në dhjetor, kurse “Firestorm” nuk do të lançohet deri në 2019 dhe me shumë mundësi rreth asaj periudhe do të kemi edhe mode-in “Combined Arms” Është pak zhgënjyese që një pjesë e tyre nuk debutuan me lançimin e lojës.
Një aspekt që ka shkaktuar polemika mes përdoruesve ka qenë vendosja e femrave në Lufën e II Botërore. Sigurisht që ky i fundit nuk ka qenë bazuar mbi diçka të vërtetë, por siç e përmendëm edhe më sipër loja duhet të dallonte nga të tjerat që në momentin që mori përsipër Luftën e II Botërore si tematikë trajtimi. Plus mesazhi që përcillet mes këtij vendimi është shumë i respektueshëm dhe siç është shprehur vetë EA : “Merreni ose lëreni.”
KONKLUZION
Battlefield V nuk mund të konsiderohet si një lojë revolucionare. Në këtë pikë kemi bashkimin e të gjithë elementëve që e kanë bërë lojën e parë të mire, të përqëndruara në një first-person shooter tjetër. Ndoshta periudha e pritjes ndërmjet dy lançimeve duhet të ishte pak më e gjatë, por kjo nuk ndikon në cilësinë e lojës. Përgjithësisht themi se konsiderohet si një lojë e mirë, por shumë gjëra të tjera mund të priteshin me publikimin e saj.
