Zhvilluesit e Outlast hedhin shenja drejt Outlast 3

A do të jetë Outlast 3 apo një lojë tjetër?

Red Barrels, zhvilluesit e Outlast, postuan imazhin e mëposhtëm ditën e Halloween një imazh në Twitter, duke premtuar gjithashtu se do të zbulojnë më shumë së shpejti. Megjithatë, ky teaser nuk konfirom se diçka rreth Outlast 3 do të zbulohet zyrtarisht.

Red Barrels nuk e ka bërë të qartë se cila do të jetë loja e tyre e ardhshme. Në 2017, Red Barrels tha në Facebook se do të sillnin Outlast 3, por në të njëjtin postim pohuan se po punon dhe për diçka tjetër, e cila nuk ishte një pasardhëse e Outlast ose Outlast 2, por një lojë tjetër e cila zhvillohej në universin e Outlast. Ndërkohë, në 2018 zhvilluesit Phillipe Morin tha se vetë Outlast 3 do të jetë diçka ndryshe nga 2 lojërat e para të serisë.

Pra, ekziston mundësia që Outlast 3 të jetë duke ardhur, por duket se loja nuk do të jetë një pasardhëse. Ose mund të jetë një lojë tërësish tjetër e cila gjithsesi është e lidhur me lojërat Outlast. Imazhi i postuar na jep disa ide se çfarë mund të jetë. Në kyçin poshtë mund të shohim një medalion që lexon “MK-329800“. Duke qënë se janë dy duar, mbase loja mund të jetë një lojë horror co-op. Gjithashtu, duke marrë parasysh se lojërat Outlast bazohen në eksperimentet MKUltra, ka shumë mundësi që ky medalion të ketë lidhje me këto eksperimente.