Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Zhvilluesit i kanë quajtur komentuesit në Reddit legena, k*** dhe qylaxhinj
Një postim në formë faljeje nga zhvilluesi i Apex Legends Respawn ka degraduar në fyerje dhe sharje midis stafit të Respawn dhe pjesëtarëve të komunitetit të Apex Legends.
Ditën e djeshme, drejtori i projekteve në Respawn Drew McCoy postoi një deklaratë në Reddit e cila pranonte se zhvilluesit ishin munduar të monetizonin lojën në një “mënyrë që dukej e drejtë“, por kishin dështuar duke “thyer premtimin e zhvilluesit duke i bërë Apex Packs të vetmen mënyrë për të marrë ato që konsiderohen nga shumica skin-et më të bukura ndonjëherë në lojë“.
Por ndërkohë që McCoy pranon se “nuk qëlluan në shenjë” me mënyrën se si eventi Iron Crown u zhvillua në Apex Legends, – gjë e cila vihet më së shumti re nga sopata $170 e Bloodhound – ai, së bashku me zhvillues të tjerë të Respawn kanë filluar të kthejnë përgjigje në këtë postim në Reddit, duke i quajtur komentuesit idiota, k*** dhe qylaxhinj.
“Kam kaq kohë në industri sa arrij të kujtoj një kohë kur lojtarët nuk silleshin si legena me zhvilluesit dhe qe vërtet mirë. Kam krijuar shumë marrëdhënie afatgjata në atë kohë. Do të ishte shumë mirë sikur të ktheheshim sërish aty dhe të mos merreshim me njerëz toksikë do të ishte një fillim i mirë“, iu përgjigj McCoy një komenti.
“Pra, që ju të na quani neve gënjeshtarë, mashtruesa dhe sulme të tjera personale kur ne ju kërkojmë falje dhe ju komunikojmë diçka në lidhje me eventin është në rregull, por kur ne kthehemi mbrapsht quhemi ‘të papjekur’. U pa puna.” shtoi menaxheri i komunitetit, Jay Frechette.
Një numër shumë i madh komentesh ofendues dhe sharje janë fshirë tashmë, por këto diskutime të ashpra detyruan komunitetin t’i dërgonte një letër të hapur ekipit të zhvilluesëve.
“Keni kryer mëkatin përfundimtar, e kthyet në personale“, shkruajti u/Cooloats në Reddit ditën e djeshme. “Ju, si një ekip profesionistash, duke kërkuar të bënit para, e kthyet gjithçka personale. E kthyet personale dhe vendosët të shanit lojtarët tuaj, duke na quajtur legena dhe qylaxhinj. Jo një lëvizje e mirë. Nuk do e harrojmë këtë gjë. Tashmë marrëdhënia jonë me ju ka ndryshuar. Është e ftohtë. Një marrëdhënie ku nuk ka më iluzione mbi realitetin e situatës. Fjala ‘familje’ këtu ka vdekur. Tashmë jemi thjeshtë konsumatorë për ju, kjo ëshgtë e qartë. Keni sjellë një epokë të re armiqësie dhe ashpërsie. Bravo. Lëvizje shumë e mirë nga marrëdhëniet me publikun.”
