Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Hidhini një sy asaj çfarë pritet të vijë në lojë
Zhvilluesit Turn 10 ka zbuluar detajet e para për lojën e ardhshme Forza Motorsport, e cila pritet të quhet Forza Motorsport 8. Duke folur në stream-in mujor të komunitetit, drejtori kreativ Chris Esaki konfirmoi se zhvilluesi pati një testim javën e kaluar në studio për lojën e tyre të re.
Esaki konfirmoi disa veçori dhe sisteme të reja, por ai i kualifikon ato duke thënë: “Në të vërtetë, këto veçori nuk kanë rëndësi në fund të ditës. Produkti përfundimtar dhe qëllimi ynë janë shumë të ndryshme dhe një eksperiencë fantastike.”
Sipas Esaki, testimi e lejoi të gjithë studion të provonte për herë të parë lojën: “Provuam modelin e ri të gomave dhe modelin e ri të presionit të gomave, i cili do të variojë në bazë të nxehtësisë dhe secila pistë do të ketë temperaturën e vetë të ndryshueshme. Do të kemi gomim dinamik të pistës. Do të kemi një sistem të ri të presionit atmosferik që ndikon direkt në densitetin e ajrit, i cili ndikon tek fuqia, aerodinamika e makinës dhe presioni i gomave. Kemi një sistem dhe model të ri të amortizatorëve.”
“Nuk kam thënë edhe 15 gjëra të tjera që nuk janë të dukshme. Kjo është vetëm eksperienca direkte e garimit. Do të kemi më shumë për të thënë në vitin e ardhshëm.”
Esaki nuk e konfirmon emrin, datën e lançimit ose detaje të tjera të lojës, por i referohet Turn 10 si “ekipi i Motorsport“. Mund ta dëgjoni atë më poshtë nga minuta 54.
