Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Kjo veçori do i ndihmonte ata të gjenin shokë të mirë për të luajtur
Të gjesh shokë ekipi të mirë në ndeshjet ranked të Valorant duket thuajse e pamundur, por ndonjëherë ndodh që të ketë edhe lojtarë të mirë. Prandaj, lojtarët e Valorant i kanë kërkuar Riot Games të shtojë një opsion për të qëndruar me të njëjtin ekip pas ndeshjes, në mënyrë që lojtarët të luajnë sërish me të njëjtët lojtarë.
Disa lojëra e kanë implementuar më herët këtë sistem, përfshirë këtu Overwatch. Lojtarët kanë mundësi të votojnë nëse duan të qëndrojnë me të njëjtin grup përpara se të futen sërish në queue.
Disa lojtarë thanë se kjo do të ulte numrin e lojtarëve toksikë në ekip, pasi lojtarët tani mund të gjejnë shokë më të sjellshëm. Toksiciteti në lojë ka qënë një problem që prej lançimit të Valorant në closed beta. Sipas Riot Games, qëllimi i tyre është ulja e toksicitetit dhe trajtimi i lojtarëve me sa më shumë respekt.
Ky opsion gjithashtu do të zgjidhte problemet me matchmaking, të cilat kanë bërë që shumë lojtarët të ndalojnë së luajturi solo. Shumë janë ankuar se përballen shpesh me ekipe me 5 lojtarët, gjë e cila është një disavantazh shumë i madh për ta.
Duke i lejuar lojtarët solo të gjejnë lojtarë të tjerë të mirë solo, ata mund të krijojnë ekipet e tyre për të luajtur ranked. Kjo nuk është një zgjidhje e plotë për problemet e matchmaking, por padyshim që do ta përmirësonte situatën.
