Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Leauge of Legends World Championship nga Riot Games ishte turneu më i ndjekur i esports në 2018.
Duket se esports do të arrijnë kulmin këtë vit, duke parë se industria parashikohet të fitojë plot $1 miliard gjatë këtij viti. Kështu shkruan një raport i Newzoo i nxjerrë sot, i cili fokusohet mbi marketingun e esports. Duke u bazuar në studimin e tregut e preferencave të konsumatorëve, të dhënat e Newzoo fokusohen në 3 parametra kryesore: entuziastët e esports, shikuesit rastësorë dhe fitimet. Kërkimi i Newzoo u krye në “mbi 30 shtete/tregje dhe mbuloi mbi 60,000 konsumatorë“.
Të përfshira tek përfitimet janë të drejtat e transmetimit, reklamat, kostot e publikimit, materialet promocionale, si dhe shitjet e sponsorave. Çfarë nuk u përfshinë ishin bixhozi online, rrogat e lojtarëve, çmimet e fituesëve dhe investimet kapitale. Ky parashikim miliarda-dollarësh u bazua në modelin parashikues të tregut të esports, që përfshin të dhëna nga burime si censuset dhe makroekonomia, si dhe studimi i konsumatorëve primarë.
Në krye të këtij parashikimi janë sponsorat, të cilët Newzoo pret të jenë 42% e fitimeve të tregut të esports gjatë 2019, dhe të drejtat e transmetimit të jenë të dytat me 23%.
Së bashku me këtë parashikim, Newzoo përpunoi një raport të pasur mbi të dhëna të ndryshme për esports në 2018 në lojëra të ndryshme. League of Legends ishte esport-i më i ndjekur gjatë 2018 me 347 milionë orë, i ndjekur nga Counter-Strike me 274 milionë dhe Dota 2 me 250 milionë. Në vend të katërt ishte Overwatch me 101 milionë orë.
Për sa i përket turneve kryesorë, League of Legends sërisht kryesonte, me 2018 World Championship që arriti 53,8 milionë shikues në Twitch. Fortnite ishte loja më e ndjekur nga ata që nuk janë fansa të esports me 1,6 milionë orë gjithsej.
Overwatch League ndërkohë ishte liga më e ndjekur, duke arritur 79,5 milionë shikues. Ndërkohë, në vend të dytë ishte NA LCS me 41,7 milionë.
Ndërkohë që të gjithë ligat e League of Legends kanë nisur, dhe OWL që do të nisë nesër sezonin e dytë, duket se tregu i esports ka filluar ngjitjen drejt parashikimit milarda-dollarësh të Newzoo.
