The Super Mario Bros. 35th Anniversary rikthehet me ulje dhe lojëra të reja në Nintendo

Këtë javë Nintendo sjell ulje me rastin e The Super Mario Bros. 35th Anniversary në dyqanin e saj online të quajtur Nintendo eShop. Këto janë lojërat të cilat do të gjeni me ulje ose që janë të reja në këtë dyqan.

Ndër lojërat kryesore që mund të përmendim janë sigurisht ato të serisë së Super Mario meqë është edhe përvjetori i kësaj serie. Ju mund të gjeni Paper Mario: The Origami King, Super Mario Maker 2 dhe Super Mario Odyssey me 35 përqind ulje. Uljet nisin sot dhe mbarojnë më 21 mars prandaj nxitoni që të përfitoni nga kjo ofertë.

Për sa i përket lojërave të reja, ndër kryesoret është loja e zhanrit battle royale, Apex Legends, e cila më në fund erdhi edhe në Nintendo Switch. Loja në fjalë do të jetë falas dhe mund të aksesohet nga të gjithë. Lojëra të tjera të cilat janë të reja në këtë platformë janë Crash Bandicoot 4: It’s About Time dhe Cyanide & Happiness – Freakpocalypse (Serenity Forge) të cilat janë gjithashtu të vlefshme tashmë në Nintendo eShop.

Gjithashtu në Nintendo eShop do të keni mundësinë të bëni pre-order SaGa Frontier Remastered e cila është një version remastered i RPG klasike shumë të pëlqyer të vitit 1998 me të njëjtin emër. Pre-order për këtë lojë janë hapur dhe ju do të keni mundësi deri më 14 prill për ta bërë pre-order.

Gjithashtu nëse dëshironi të mësoni më shumë rreth uljeve dhe lojërave të reja ju mund të klikoni këtu.