Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Antstream Arcade ka mbi 2000 lojëra të vjetra në platformën e tij.
Streaming për lojëra duket se do të jetë trendi i madh i industrisë së gaming, por teksa shumica e kompanive ja kanë vënë syrin lojërave më të fundit, sepse mendojnë se këto janë ato që duan të luajnë të gjithë njerëzit, një kompani në Londër është duke u fokusuar në anën retro të lojërave dhe vetë Tencent është duke e mbështetur në këtë sipërmarrje.
E sponsorizuar fillimisht nga një fushatë në Kickstarter, Antstream Arcade të ofron një shërbim streaming që konsiston në 2000 lojëra klasike që kanë qenë shumë të luajtura në kohët e vjetra. Abonimi për këtë shërbim kushton £9.99 ($12.43) per muaj, ose £7.99 ($9.94) për muaj nëse regjistroheni për abonim një-vjeçar.
Krahas faktit që përdoruesit mund ti luajnë ato lojëra në moment, ata mund të marrin pjesë edhe në sfida multiplayer si tentativat për të thyer një high score përshembull. Kjo e fundit i vën ata të konkurojnë me miqtë e tyre ose me të gjithë komunitetin e platformës.
Antstream Arcade mund të bëhet stream në Mac, PC, Xbox One, tableta dhe telefona. Skuadra pas saj momentalisht po punon për ta sjellë atë në platforma të tjera, përfshirë këtu PlayStation 4 sigurisht. Për momentin është i disponueshëm si shërbim vetëm në Europën Perëndimore.
CEo i kompanisë, Steve Cottam tha: “Njerëzit kanë Spotify dhe Apple për muzikën, në filma pastaj kanë Netflix dhe Amazon. Është kaq e thjeshtë të gjesh kontent të tillë, por këto lojëra kanë humbur mes gjithë këtyre formateve dhe nuk funksionojnë më në paisjet moderne.”
Kompania sapo mori një sasi të konsiderueshme parash nga Tencent në mbështetje të kësaj ideje, që për t’ju ndihmuar ti vini gjërat pak më në perspektivë, është pronari i Riot Games, Epic Games, Activision Blizzard, Ubisoft, Supercell, Paradox Interactive dhe shumë të tjerave.
“Ndjehemi shumë të privilegjuar që Tencent dalloi potencialin tonë duke investuar në hapat tona të para në këtë udhëtim. Kompania është shumë e afërt me gaming dhe ne jemi krenarë që jemi pjesë e saj.” U shpreh Cottam.
