Teaser-i i fundit i Overwatch sugjeron ardhjen e një omnic hero

Overwatch mund të marrë një tjetër omnic hero së shpejti. Teaser-i i fundit i Blizzard sugjeron se personazhi i ardhshëm i lojës mund të mos jetë human, të paktën jo në sensin tradicional të fjalës.

Teaser-i është hyrja e një ditari nga tavolina e Dr. Mina Liao, një nga gjashtë anëtarët themelues të Overwatch. Ai detajon kërkimet e saj në omnics dhe mbi një projekt të ri.

Ky fragment daton nga ditët e hershme të organizatës, përpara eventeve të Overwatch. Liao ishte mendja gjeniale pas Athena, krijuar si një prototip AI për organizatën. Suksesi i projektit tërhoqi vëmendjen e Jack Morrison, i cili me kalimin e kohës u bë Soldier:76.

Ky teaser na drejton edhe drejt një fytyre në njohur. Echo bëri hyrjen e tij në Overwatch në “Reunion” dhe lojtarët ranë dakord se ai duhet ti bashkohej lojës si Hero 32. Ky vend përfundoi në duart e Ashe, por Echo sërish do të vijë në Overwatch, ndoshta edhe në vazhdimin e saj.

Overwatch shtoi vetëm dy heronj të 2019, duke thyer traditën e tij të tre heronjve për vit, që e ka ruajtur që në lançim. Sigma hyri në servera në gusht dhe që nga ajo pikë Blizzard nuk ka përmendur asnjë hero të ri për lojën.

Kompania njoftoi Overwatch 2 në BlizzCon dhe Echo kishte një paraqitje të vogël në materialin promocionues të lojës. Sado që të gjitha shenjat drejtojnë tek Echo, Blizzard ende nuk ka konfirmuar asgjë zyrtare për momentin.