Stream-i i gameplay-it të Cyberpunk 2077 do të vonohet disa javë

CD Projekt Red thotë se “diskutime më të rëndësishme po ndodhin tani dhe ne duam që ato të dëgjohen”

Zhvilluesi i Cyberpunk 2077, CD Projekt Red ka vonuar vitrinën e tij dixhitale për lojën, të titulluar Night City Wire, për më vonë në qershor, pas protestave të vazhdueshme për të drejtat civile kryesisht në Shtetet e Bashkuara.

Night City Wire fillimisht kishte për qëllim të debutonte në 11 qershor, me CD Projekt Red duke përdorur të njëjtën javë zakonisht të rezervuar për E3 për të shfaqur IP-të e tyre të fundit përpara lançimit të shtatorit. Eventi do të zhvillohet tani në 25 qershor, me një deklaratë ku shpjegon se “diskutime më të rëndësishme po ndodhin tani dhe ne duam që ato të dëgjohen”.

CD Projekt Red nuk është e vetmja kompani që zhvendos planet në dritën e ngjarjeve sociale që kanë dalë gjatë ditëve të kaluara. Activision ka vonuar përmbajtjen e re për Call of Duty: Modern Warfare, ndërsa Sony shtyu transmetimin e 4 qershorit për PlayStation 5. Botuesit e shumtë dhe zhvilluesit po shprehin gjithashtu mbështetje për Black Lives Matter dhe luftën e vazhdueshme për barazi, me disa duke bërë dhurime financiare gjithashtu.