Star Wars: Squadrons nuk do të ketë microtransactions

Star Wars: Squadrons u njoftua zyrtarisht gjatë eventit të EA Play, si loja e ardhshme Star Wars e studios. Si një lojë e EA menjëherë mendja do të të shkojë te microtransactions. Deri më tani dimë se loja do të ketë dy lloje unlockables, cosmetics dhe modifications. Sot u sqarua që gjithashtu nuk do të ketë fare microtransactions.

“Idetë tona kanë qenë shumë old school,” tha drejtori krijues i Motive Studios, Ian Frazier. “Po përpiqemi të themi që me këtë lojë që do të fillojë të shitet nga $40, duam të tregohemi bujarë ndaj lojtarëve tanë dhe ta bëjmë këtë një eksperiencë të plotë për ata. Përshembull, na dhatë $40. Ja ku është një lojë që do e doni. Faleminderit.”

“Kjo nuk është diçka që po ndërtohet rreth një strategjie live-service. Është e ndërtuar rreth një loje që është e plotësuar dhe e mirë ashtu siç vjen. Kjo nuk do të thotë që sdo i shtojmë kurrë gjë, por thjesht nuk ka për t’u prezantuar si një live service.”

Për këdo që e lexon pjesa e “nuk ka për t’u prezantuar si një live service” është e interpretueshme në disa mënyra. Fatmirësisht shkrimtari i Squadrons, Mitch Dyer, na sqaroi plotësisht për këtë pjesë.

Është prapëseprapë e mundur që Star Wars: Squadrons të ketë microtransactions në një momet të dytë, por përsa i përket stadit të lojës në lançim, do të jetë e mbrojtur nga ato.

Star Wars: Squadrons do të vijë në 2 tetor.