Stafi i Cyberpunk 2077 e dinte për gjendjen e keqe të lojës para se ta lançonte

Më herët gjatë kësaj jave, themeluesi i CD Projekt, Marcin Iwiński, kërkoi sërish ndjesë për gjendjen e Cyberpunk 2077, e cila ka patur shumë bugs në PC dhe ka qenë praktikisht skandal në konsolat e gjeneratës së kaluar. Në këtë ndjesë, Iwiński  sugjeroi se këto probleme nuk diheshin përpara lançimit të lojës, por sipas një raportimi të ri nga Jason Schreier, situata mund të ketë qenë ndryshe.

Schreier thotë se ai mori në intervistë më shumë se 20 punonjës të stafit të CD Projekt Red. Sado që COVID-19 solli shumë probleme me komunikimin e punonjësve dhe prodhimine  lojës, punëtorët me të cilët ai foli thanë se testime të jashtme i treguan këto probleme që më përpara dhe se bugs nuk ishin një problem për ta.

“Teksa data e lançimit afrohej, të gjithë në studio e dinin se loja nuk ishte në formë të mirë dhe se kishte nevojë për më shumë kohë,” shkruan Schreier, duke ju referuar lançimit të Cyberpunk 2077 në datë 19 nëntor, që u bë 10 dhjetor pas vonesës së fundit. Gjatë kësaj vonese tre javore, “programmers u lodhën në tentativë për të rregulluar sa më shumë të mundeshin,” por një lançim i mbarë ishte i pamundur në atë pikë.

“Kishte kohë kur më duhet të punoja 13 orë në ditë, ose pak më shumë se aq. Do bëja plot pesë ditë në javë me këtë orar,” tha Adrian Jakubiak, një ish audio-programmer i CD Projekt Red. “Kam disa miq që patën probleme familjare për shkak të këtyre ngatërresave.”

Raportimi përshkruan se këto probleme filluan që përpara zhvillimit të Cyberpunk 2077. Ish zhvilluesit e The Witcher 3 si duket u larguan nga projekti për shkak të përplasjeve me idetë e drejtorit të lojës Adam Badowski. Punonjësit thonë se CD Projekt Red mezi ja doli të menaxhonte një ekip me 500 veta, që ishte thuajse sa dyfishi i ekipit që punoi me The Witcher 3.

Detaje të mëtejshme mund t’i gjeni në raportimin e plotë në Bloomberg.

REAGIMI I CD PROJEKT RED

Ekipi menaxhues i CD Projekt Red nuk ofroi një përgjigje për raportimin e Bloomberg, por Badowski komentoi për të në një postim në Twitter. Ai hodhi poshtë karakterizimin që Bloomberg kishte bërë se demoja e E3 ishte “e rreme”, duke thënë se kjo reflektonte një proces jo-linear të zhvillimit të lojës dhe se ishte thënë që më përpara se ishte e gjitha në punë e sipër.

“Loja jonë finale duket dhe luhet shumë më mirë se demoja,” shkruajti ai.

Badowski gjthashtu e mohon idenë se shumica e stafit besonte se loja nuk do të ishte gati deri në 2020, duke sugjeruar se një grup prej vetëm 20 punonjësish që janë pyetur nuk janë mjaftueshëm për ta bërë këtë deklaratë. Ai gjithashtu shton se burimet janë të paqëndrueshme, pasi të 20 punonjësit në fjalë janë anonimë.

Tani që Cyberpunk 2077 është lançuar, CD Projekt thotë se është fokusuar në patch-et e lojës dhe në sjelljen e një eksperience sa më të mirë për të gjithë lojtarët.