Këto janë lojërat falas të Stadia për muajin mars

Në mënyrë të ngjashme me Xbox Live Free Games with Gold ose me PlayStation Plus Instant Game Collection, edhe Google i jep subscriberave të tij të Stadia Pro lojëra falas. Ky shërbim funksionon pak më ndryshme, pasi lojërat mund të shkarkohen falas për një periudhë më të gjatë kohore dhe ndonjëherë janë më shumë se dy të listuara për një muaj.

Duke filluar nga data 1 mars, Google do të shtojë më shumë se dy lojëra në lineup-in e tij, duke e sjellë totalin e lojërave falas në shtatë. Subscriber-at e Stadia Pro mund të marrin tashmë Grid, SteamWorld Dig 2, dhe SteamWorld Quest: Hand of Gilgamech. Ndërkohë që Farming Simulator 19: Platinum Edition është larguar nga lista e vjetër.

Grid, SteamWorld Dig 2 dhe SteamWorld Quest: Hand of Gilgamech i bashkohen lojërave të tjera falas të Stadia. Këto të fundit përfshijnë  Destiny 2: The Collection, Gylt, Metro Exodus dhe Thumper. 

Abonentët e Google Stadia Pro duhet të jenë të kënaqur me lojërat falas që i janë shtuar koleksionit, mbi të gjitha lojëra si  SteamWorld Dig 2 dhe SteamWorld Quest: Hand of Gilgamech, pasi ato janë përgjithësisht të reja në platformën e Stadia. Prapëseprapë, është e vështirë të konstatosh nëse lojërat falas të Stadia Pro do i mbajnë përdoruesit aktivë në të.

Stadia po has shumë vështirësi në popullimin e lojërave multiplayer. Kjo prej faktit se njerëzit thjesht nuk po e përdorin. Momentalisht Stadia ka vetëm një lojë ekskluzive: Gylt dhe përgjithësisht si shërbim, nuk duket të jetë duke ja u mbushur mendjen njerëzve që ta përdorin.

Kjo nuk do të thotë se lufta është e humbur për të. Teknologjia e Cloud është ende një risi për botën e gaming, e cila pritet të avancojë dhe të jetë vetë e ardhmja. Studiot e Google janë momentalisht duke punuar me lojëra ekskluzive. Këto të fundit do të kenë një efekt vendimtar mbi ecurinë e platformës, pra mbetet të shohim se si do të ecin gjërat me kalimin e kohës.