Sony hedh shenja për PS5 pasi aplikon për trademark në Europë

Sony zyrtarisht ka paraqitur një kërkesë për trademark PS5 në Europë, duke sugjeruar që kompania së shpejti do të zbulojë konsolën e saj të gjeneratës së ardhshme.

Drejtori i Përgjithshëm i PlayStation, Jim Ryan zbuloi zyrtarisht logon PS5 gjatë CES në fillim të këtij muaji, dhe siç u pa nga LetsGoDigital, Sony Interactive Entertainment (SIE) tani ka paraqitur gjithashtu një ‘trademark’ për konsolën. Dje, (27 Janar) Sony paraqiti një kërkesë për ‘trademark’ për PS5 në Institutin Federal të Zvicrës të Pronës Intelektuale (Swiss Federal Institute of Intellectual Property).

Aplikimi u skedua nën seksionet 9, 28 dhe 41, i cili përfshin softuer kompjuterik interaktiv, disqe lojrash, konsola lojërash dhe argëtim interaktive.

Për muaj të tërë, lojtarët kanë spekuluar për datën e zbulimit të PS5, dhe nga çka kemi parë deri më tani, Sony tani është me të vërtetë duke u përgatitur të zbulojë konsolën e gjeneratës së ardhshme. Thashethemet e fundit sugjerojnë që Sony do të zbulojë PS5 gjatë një eventi të veçantë muajin e ardhshëm, por Sony as nuk ka konfirmuar dhe as ka debutuar mbi këto zëra.