Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Mesa duket do të shohim më shumë kampionë si Rengar dhe Zed
Një prej dizenjuesëve të kampionëve në League of Legends ka bërë një deklaratë vërtet interesante në lidhje me assassin meta. Në disa tweet-e të postuara më herët gjatë kësaj jave, August Browning, një prej dizenjuesvë kryesorë të Riot tha se jo vetëm që është tërësisht e pranueshme që disa kampionë t’i “fshijnë” kundërshtarët e tyre në të qindat e sekondës, por që madje kjo gje shërben për të mirën e lojës.
Browning tha se “Rengar dhe kampionë të tjerë të ngjashëm me të të cilët të bëjnë one-shot menjëherë janë të mirë për League of Legends” dhe se “loja bëhet shumë e mërzitshme kur çdo përballje kthehet në ‘shmangni skillshot-et dhe shikoni kush është Faker‘”, duke ju referuar kampionit të trefishtë të botës, i njohur më së miri për shmangiet e tij.
Browning më pas tha se “një pjesë e jetëgjatësisë dhe thellësisë së LoL vjen prej faktit se loja suporton një shumëllojshmëri mënyrash të ndryshme për të qënë i mirë në lojë. Disa mënyra për të fituar janë taktike (shmangiu skillshot-eve) e disa të tjera strategjike (qëndro së bashku me ekipin për mos të vdekur).” Edhe pse mendimet e Browning padyshim që ngrenë polemika, deri diku ato janë të vërteta.
Si një support main, edhe pse në pamje të parë mund të duket sikur është e pamundur të ndalosh Rengar (ose Zed, Akali, Ekko e shumë e shumë të tjerë) të vrasin ADC-në tënd, secili prej tyre ka mënyra me të cilat mund të ndalohen. Ajo çka e bën League of Legends argëtuese është gjetja e mënyrës për t’i mbijetuar këtyre situatave.
ADC kundër një ekipi full AP? Merr Hexdrinker dhe thuaji support-it të marri Aegis. Një carry me pak jetë kundra një maceje vrasëse (nuk po i referohem Yuumi)? Fshihu prapa ekipit tënd dhe shpreso që ata janë të aftë sa të mbrojnë atë që do fitojë lojën.
Duhet thënë se Browning ishte dizenjuesi i Rengar, por ai gjithashtu ka dizenjuar Jinx dhe Jhin, dy kampionë të cilët kanë vërtet probleme përballë assassins të tillë. Edhe pse nuk është qef të zhdukesh për 0.00s (edhe kjo më ka ndodhur), të gjesh një mënyrë si të përballesh është vërtet një sfidë interesante.
