Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Një figurë e rëndësishme në futbollin Europian ka marrë në konsideratë konkurencën e Fortnite.
Sado që ju mund të mendoni se Fortnite nuk është një temë bisede në një event për industrinë e futbollit, është vërtetuar e kundërta.
Në World Football Summit, një konferencë e madhe për industrinë e argëtimit të futbollit, drejtori i menaxhimit të Europian Club Association (ECA), Charlie Marshall tha se shqetësimi primar nuk janë ligat e tjera të futbollit.
“Një nga sfidat që ne kemi si industri është një popullatë që po moshohet dhe audienca e të rinjve që po ndryshon preferencat e tyre,” tha Marshall. “Ndryshime thelbësore po shfaqen në mënyrën se si rinia po ndërvepron me interesat e saj. Mënyra se si njerëzit janë duke e kaluar kohën po ndryshon. Konkurentët tanë nuk janë ligat e tjera të futbollit, por Taylor Swift dhe Fortnite.”
ECA përfaqëson interesat e klubeve në Union of European Football Associations (UEFA) dhe thotë se misioni i saj është të “krijojë një model të ri qeverisës më demokratik që reflekton rolin kyç të këtyre klubeve.”
Mesazhi që Marshall dha, sado që ishte pak i çuditshëm për tu dëgjuar fillimisht prej vendndodhjes ku u tha, nuk është edhe aq unik. Në janar, CEO i Liverpool, Peter Moore, shprehu shqetësimet e tij se mund të humbte “gjeneratën e ardhshme të fansave”, falë avancimeve teknologjike dhe sigurisht, Fortnite.
Njëlloj si sportet, edhe videlojërat paraqiten si një opsion argëtimi për rininë e sotme, ndaj nuk do të ishte çudi nëse këto dy departamente do të përballeshin me njëri-tjetrin për vëmendjen e fansave. Kjo është thjesht hera e parë që deklarata për këtë përballje të mundshme bëhen publike.
