Sezoni i tretë i Modern Warfare konfirmohet për 8 prill

Sezoni i tretë po vjen në Call of Duty: Modern Warfare dhe Warzone të mërkurën tjetër, 8 prill, njoftoi sot Activision.

Me mbarimin e sezonit dy të martën, 7 prill, do të ketë një ditë midis përfundimit të sezonit aktual dhe fillimit të sezonit të ri. Sezoni duhet të përfshijë një Battle Pass të ri, të mbushur me Operatorë të rinj, skin-e dhe cosmetics për të bërë unlock.

Imazhi i postuar nga Activision konfirmon kthimin e Alex, një personazh kryesor nga fushata e lojës. Ai u pa për herë të fundit duke qëndruar prapa për të konfirmuar shpërthimin e bazës së antagonistit dhe ai ka plagët e betejës për ta vërtetuar atë me një protezë të madhe si këmbë të majtë.

Fati i Alex ishte ende në ajër që nga përfundimi i campaign-it, por ai është rikthyer dhe gati për të qenë një Operator në mode-et multiplayer të lojës, përfshirë Warzone. Javën e kaluar, një data miner bëri tease kthimin e Alex, së bashku me një operator tjetër të quajtur Ronin. Data miner-i gjithashtu tregoi se Backlot i CoD4 dhe Village i MW3 do të ishin hartat e reja të shtuara në sezonin e tretë.

Sezoni i tretë i Call of Duty: Modern Warfare fillon në vetëm pesë ditë.