Seritë e Resident Evil kanë shitur mbi 100 milionë njësi në mbarë botën

Pak pas njoftimit të Resident Evil 8, më saktë Resident Evil: Village, zhvilluesi Capcom ka zbuluar shifrat më të fundit për shitjet e të gjitha lojërave deri më sot. Duhet ta pranojmë që janë mjaft mahnitëse. Në total seritë e Resident Evil kanë shitur mbi 100 milion njësi rreth e qark botës.

Ky lajm vjen sipas një konference për shtyp të postuar në faqen e zhvilluesit. Në këtë deklaratë kompania gjithashtu shpjegon se kjo shifër është arritur me mbi 80% të shitjeve të bërë jashtë Japonisë. Resident Evil është seria e parë e lojërave të Capcom që ka kaluar kufirin e 100 milionë njësive të shitura.

Në disa mënyra ky lajm nuk është shumë surprizues, mbi të gjitha duke marrë parasysh suksesin e remake-ve të fundit: Resident Evil 2 dhe Resident Evil 3, që kanë shitur disa miliona kopje secila.

Resident Evil: Village do të lançohet në Steam, PlayStation 5 dhe Xbox Series X gjatë 2021, por ende nuk kemi një datë fikse për ta shënuar në kalendar.