Selena Gomez ngre një padi me vlerë $10 milion kundër një loje që ka përdorur imazhin e saj

Selena Gomez ka ngritur një padi me vlerë $10 milion kundër zhvilluesve të një loje mobile, me akuzën se loja zhvat tiparet e saj dhe të të famshmëve të tjerë.

“Clothes Forever — Styling Game” është e disponueshme për tu shkarkuar në App Store. Loja i lejon përdoruesit të blejnë “diamonds” me vlerë nga $0.99 deri në $99.99 dhe të shkojnë të bëjnë pazare virtuale me avatarët e njerëzve të famshëm.

Gomez thotë se një nga personazhet është qartazi e bazuar në të dhe se ajo nuk ka rënë kurrë dakord dhe nuk ka dhënë aprovimin e saj për përdorjen e tipareve të saj në lojë.

“Të pandehurit kurrë nuk kërkuan, kosultuan ose informuan Gomez përsa i përket lojës,” deklaron padia. “Edhe nëse do të pyetej Gomez nuk do të kishte miratuar diçka të tillë për një lojë që josh përdoruesit e saj të shpenzojnë shuma deri në $99.99 për shpenzime imagjinare dhe veçori shtesë.”

Gomez ka ngritur padi kundra Guangzhou Feidong Software Technology Co., shitësi me bazë kineze i lojës dhe gjithashtu kundra Interactive Limited, kompania britanike që ka të drejtat e copyright-it mbi lojën.

Padia thekson se Gomez e ka menduar me kujdes të gjithë këtë, në një mënyrë që avancon qëllimet e saj dhe imazhin e saj si shembull për të rinjtë. Gjithashtu sqarohet se loja është e mbushur me bugs, me vetëm 3.5 yje nga 5 në App Store.