Rregullat e reja të hileve në PUBG kanë kapur 16 lojtarë profesionalë

Radar Hack ka shkaktuar largimin e 30,000 accounteve nga loja

Një software i ri për të ndaluar hilet është live në PlayerUnknown’s Battlegrounds dhe ka sjellë me të dëbime të reja. Nga lojtarët e ndikuar 16 prej tyre kanë qenë profesionale. Shumica e këtyre raporteve ende mbeten të pakonfirmuara, por accountet janë publikuar. Lojtarët e Sans Domicile Fixe e kanë pranuar që kanë bërë hile dhe një hetim zyrtar për Pittsburgh Knights po kryet mbi një nga lojtarët.

“Sinqeriteti dhe integriteti janë vlera kyçe në organizatën tonë,” shkruan skuadra në Twitter. “Hilet e çfarëdolloji nuk ndikojnë vetëm skuadrën tonë, por të gjithë komunitetin e esports. E marrim këtë dëbim VAC, për lojtarin tonë TEXQS shumë seriozisht. E mbështesim plotësisht korporatën e PUBG në këtë hetim. Jemi duke punuar me ta për momentin dhe ende po presim rezultatet.”

Derisa ky hetim të ketë përfunduar, skuadra e ka pezulluar ‘TEXQS’ nga lojërat e ardhshme. Këto dëbime nuk duket se po vijnë nga masat e Valve, por drejtpërdrejt nga PUBG. Kjo vjen në të njejtën kohë me update-in e ri të saj, Vikendi. Gjithsesi ende pritet deklarata zyrtare nga PUBG.

Lojtarët që e kanë përdorur Radar Hack, një tipar që ju jep atyre informacion mbi pozicionin e kundërshtarëve gjatë një ndeshjeje, janë bërë pjesë e këtij grupi të dëbuar nga PUBG. Sipas krijuesve të tij, Radar Hack është jashtëzakonisht i vështirë për tu dalluar. Më shumë se 30,000 account-e janë dëbuar në spastrimin e fundit të lojës.