Një njoftim i ri pune te Rockstar i ka bërë fansat të shpresojnë për një trailer të GTA 6

Fansat e Grand Theft Auto vazhdojnë të kenë shpresa për një njoftim të mundshëm të GTA 6 dhe tani, një njoftim pune që ka bërë Rockstar, ju ka rritur shpresat se një trailer mund të jetë në rrugë e sipër.

Njoftimi i punës është për një “Cinematic Gameplay Capture Artist” në New York dhe përshkrimi i punës është mjaft intrigues.

“Ky post është përgjegjës për xhirimet brenda lojës për përdorim në online dhe TV campaigns,” lexon postimi, duke sugjeruar se gameplay do të përdoret për trailers.

Më tej lexon: “Ekipi i Gameplay Capture punon me video editing dhe ekipet e trailerave prodhojnë video të jashtëzakonshme duke përdorur klipe brenda lojës.”

Sado që ky përshkrim mund të vlejë për cilëndo nga lojërat e Rockstar, si GTA Online ose Red Dead Redemption, është një tjetër pjesë e njoftimit që dallon dhe i bind më shumë lojtarët për lidhjen me GTA 6.

Kualifikimet i kërkojnë kandidatit të jetë një “Lojtar World-Class i lojërave të PS5, Xbox Series X, PS4, Xbox One dhe PC.”

Kjo është një e dhënë kyçe pasi deri më tani, Rockstar nuk ka publikuar asnjë lojë për konsolat e PS5 dhe Xbox Series X. Mbetet të presim dhe të shohim se çfarë ka ndër mend të rezervojë Rockstar për ne në të ardhmen.