Rocket League do të zhytet në vitet ’80 me eventin e javës së ardhshme, Radical Summer

Vera ka ardhur dhe Rocket League po e feston sezonin me një udhëtim nostalgjik në vitet ’80, si edhe një event nëntë javor të frymëzuar nga fimat më ikonikë të asaj kohe.

Zhvilluesi Psyonix po e quan këtë event Radical Summer dhe si datë nisjeje për këtë ka caktuar 10 qershorin. Deri në 1 korrik fokusi do të jetë vetëm në filmat më ikonikë, ku pjesa më e bukur me shumë mundësi do të jetë ardhja e Ecto-1 Car Pack nga Ghostbusters. Kjo do të përfshijë  Ghostbusters Ecto-1 Battle-Car, Ecto-1 Wheels, Proton Pack Boost, Slimer Topper, Ghostbusters Player Banner, Ghostbusters Avatar Border dhe Stay Puft Goal Explosion. E gjitha për $1.99.

Lojtarët gjithashtu mund të marrin pjesë në ndeshje online për të fituar kaseta gjatë eventit nëntë javor. Këto të fundit përdoren për të patur akses në sende brenda lojës të frymëzuara nga Karate Kid, Back to the Future etj.

Java e filmave gjithashtu do të sjellë LTM e parë të lojës të njohur si Ghost Hunt. Është një përballje 3v3, që shpaloset në një version të pushtuar të Urban Central Arena.

Nga 1 korriku deri në 22 korrik, filmat do i hapin vendin kulturës së viteve ’80 me sende të reja që do të vijnë në Event Store.  Pastaj nga 22 korriku deri në 12 gusht është rikthimi i televizionit klasik të ’80, si edhe ardhja e Knight Rider Car Park. Kjo do të përfshijë makinën që flet që të gjithë e kanë qef, K.I.T.T. Pjesa finale e eventit do të paraqesë një LTM Beach Ball 2v2 në Salty Shores.

Psyonix po pregatit Rocket League për nëntë javët e saj verore , përmes një update-i që do të vijë sot në të gjitha platformat.