Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Ata duket se nuk do e balancojnë më lojën vetëm për 10% më të mirë të lojtarëve
Balanca e lojës është diçka që diskutohet gjatë gjithë kohës në çdo lojë online dhe vetëm pak zgjidhje i kënaqin të gjithë. E njëjta gjë ka ndodhur me League of Legends, ku vendosmëria e Riot për të balancuar vetëm për lojtarët profesionistë shpesh herë polemika. Tanimë, zhvilluesi ka deklaruar se do e balancojë lojën për të gjithë lojtarët dhe ka dhënë më shumë detaje mbi këtë mënyrë balancimi.
“Në të shkuarën, kemi vepruar gjithmonë për ta balancuar lojën për lojtarët në Plat e sipër,” thotë David Capurro në postimin e fundit. “Pavarësisht kësaj, kemi demonstruar se gjithashtu bëjmë balancime të tjera për kushte ose arsye të tjera. Kështu që, tanimë po zbulojmë zyrtarisht të katër llojet e lojtarëve për të cilët e balancojmë lojën në Summoner’s Rift, si dhe parametrat që e bëjnë një kampion më të dobët ose më të fortë ose thjesht të balancuar.”
Këto kategori përfshijnë Lojtarët Mesatarë (këdo poshtë 10% më të mirë), Lojtarët e Mirë (këdo në 10% më të mirë përveç më të mirëve), Lojtarët Elitarë (0.1% më të mirë) dhe Lojtarët Profesionistë (nuk ka shumë nevojë për shpjegim). Çdo kategori ka kufinjtë e vet përsa i përket forcës së një kampioni dhe një kampion mund të quhet i balancuar vetëm nëse nuk janë më të fortë seç duhet në asnjë kategori ose më të dobët seç duhet në çdo kategori.
Riot ka kohë që flet për filozofinë e balancimit dhe për lojtarët mesatarë, por tashmë kjo është një ndarje shumë më zyrtare e kësaj mënyre balancimi në krahasim me ato çfarë ata kanë zbuluar më parë dhe disa gjëra janë ndryshuar në varësi të gabimeve të mëparshme.
“Gjatë vitit të kaluar, nuk mendojmë se kemi bërë një punë të mirë për balancimin e kampionëve të rinj ose të update-uar, prandaj kemi përdorur një sistem të veçantë të ndryshëm nga strategjia jonë e zakonshme për ta.” Ky sistem përfshin pritshmërinë e forcës në lançim si dhe ndryshimet e pritura me kalimin e kohës, si dhe hapa specifik nëse një kampion nuk ka performancën e pritur.
Ka shumë detaje në postimin e plotë të Riot, por natyrisht që çdo gjë mund të ndryshojë me kalimin e kohës ndërkohë që zhvilluesit provojnë gjëra të reja.
