Red Dead Redemption 2: Ata që bëjnë ‘pre-orders’ përfitojnë GTA Online

Nëse bëni ‘pre-order’ Red Dead Redemption 2, do të merrni një dhuratë të madhe në GTA Online.

Kushdo që dëshiron të blejë Red Dead Redemption 2 dhe njëkohësisht është një fans i madh i GTA Online, mund të presë një dhuratë shumë të veçantë. Sepse siç njoftoi studioja e zhvillimit, Rockstar Games, ka një shtesë të këndshme për të gjithë ata që bëjnë ‘pre-orders’ të versionit dixhital të lojës së aksionit perëndimor.

Çdokush që bën ‘pre-order’ Red Dead Redemption 2 në Microsoft Store ose PlayStation Store  deri më 15 tetor 2018, do të marrë një shumë prej një milion dollarësh GTA në GTA Online. Paratë mund të gjenden në llogarinë tuaj në lojë që nga 16 tetori. Sipas Rockstar Games, “dorëzimi” i dhuratës në disa raste mund të zgjasë deri më 22 tetor. Ka edhe një bonus prej $300,000 këtë javë për të hyrë në GTA Online.