Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Reputation System do të përmirësojë eksperiencën tuaj në R6S sipas Ubisoft
Rainbow Six Siege ka qënë një prej lojërave më të suksesshme multiplayer që prej lançimit të saj para afërsisht 5 vitesh. Por që prej fillimit ajo është përballur me probleme të ndryshme dhe njëri prej tyre është toksiciteti nga lojtarët për të cilin ka sjellë një sistem kundër tyre “fshehurazi”.
Ubisoft zbuloi së fundmi se një sistem kundër lojtarëve toksik është në veprim dhe se është sjellë ngadalë ngadalë nëpërmjet update gjatë ndërrimit të sezoneve duke filluar që prej Shifting Tides. Ky plan u prezantua për herë të parë gjatë muajit shkurt dhe u planifikua për t’u sjellë në lojë gjatë fundit të vitit 2020 por që “u shty” për shkak të pandemisë.
Ubisoft shprehet se qëllimi i Reputation System është që të dekurajoj lojtarët toksik dhe t’i bëjë ata të sillen në mënyrë pozitive. Kjo gjë do të bëjë që R6S të jetë një vend argëtues për të gjithë lojtarët e saj. Gjithashtu lojtarët do të kenë një seksion ku mund të kontrollojnë reputacionin e tyre.
Momentalisht ky sistem është duke u ekzekutuar fshehurazi dhe është akoma i padukshëm për lojtarët. Kjo do të thotë që nuk do të ketë asnjë impakt nga ky sistem nga mënyra se si veprojnë por kjo gjë do të ndryshojë gjatë vitit të ardhshëm.
Zhvilluesit e lojës shprehen se Reputation System momentalisht është akoma në testim për të parë se si ndërvepron me lojën, problemet që mund të shkaktojë dhe nëse po punon saktë. Me pak fjalë ky sistem po testohet akoma në mënyrë që të mos prish eksperiencën e lojtarëve në lojë dhe t’i trajtojë ata në një mënyrë të drejtë.
Sistemi do t’iu tregojë lojtarëve reputacionin e tyre bazuar në veprimet e tyre brenda në lojë. Një reputacion i ulët do të sjellë ndëshkime kurse një reputacion i lartë do të sjellë shpërblime. Gjithashtu Ubisoft u shpreh se Reputation System do t’i paralajmërojë lojtarët kur ata kanë një reputacion të ulët dhe janë toksik në lojë.
Gjysma e Year 6 do të fokusohet në ketë sistem e cila gjithashtu do t’i paralajmërojë lojtarët se çfarë ata po kryejnë gabim dhe si mund të përmirësohen në lojë. Më shumë detaje se çfarë do të sjellë Year 6 do të zbulohen në shkurt gjatë Six Invitational 2021. Gjithashtu mos harroni të merrni operatorin tuaj falas në Rainbow Six Siege.
