Rainbow Six Siege do të marrë cosmetics të Rick and Morty dhe Resident Evil

Kombinim i çuditshëm.

Rainbow Six Siege do të sjellë një bashkëpunim zyrtar me Rick and Morty dhe Resident Evil gjatë këtij viti. Pas këtij lajmi asgjë nuk po na bën më sens. Ubisoft sugjeroi bashkëpunime të ardhshme në një event të mbylur për sezonit e ardhshëm të Siege: Crimson Heist.

Bashkëpunimi i parë i Resident Evil do të jetë një skin elite i Zofa me tematikën e veshjes STARS të Jill Valentine. Në fakt look-u i Resident Evil duket sikur funksionon mirë për Rainbow Six Siege.

Gjithsesi, miksimi i dy videolojërave me njëra-tjetrën mund të bëjë sens, por miksimi me Rick and Morty është pak hutues. Karpazis hodhi shenja drejt këtij bashkëpunimi me një foto të një portali nga seriali komik i Adult Swim.

Më shumë informacion rreth kësaj do të vijë më vonë gjatë vitit. Padyshim që kurioziteti ynë ka arritur kulmin, por mbetet të presim dhe të shohim.