Publikuesi i World of Tanks hap një studio në UK për të punuar në një projekt të veçantë

Zhvilluesi i World of Tanks dhe World of Warships, Wargaming, ka studio të shumëfishta në mbarë botën. Gjithsesi, tani shiriti i kuq është prerë në Wargaming UK, një studio që do të punojë në projekte komplet të ndryshme nga pjesa tjetër e kompanisë.

Wargaming ka nënkuptuar se projekti i ri nuk do të jetë fare si lojërat simulation që ka bërë deri tani. Përkundrazi, ai do të bëjë një lojë më “pëlqyeshme për audiencat perëndimore.” Loja e re do të jetë ende një aksion multiplayer falas, por detajet e tjera janë mjaft të rezervuara.

Studioja e re bazohet në Guildford të Anglisë. Teknikisht ajo filloi nga puna në nëntor të 2018s, kur bleu Edge Case Games. Gjithsesi, një zjarr që ndodhi në muajin korrik të këtij viti, e detyroi zhvilluesin të gjente një shtëpi të re.

Zyrat e reja tashmë janë hapur dhe mbajnë brenda tyre 68 anëtarë të stafit, dhe rreth një duzinë pozicionesh që ende janë të hapura. Kompania ka si qëllim ta rrisi numrin e punonjësve në 150 një ditë, dipas kreut të studios Sean Decker.

Me këmbë të mbarë pra!